पार्टी र सरकारभित्रका कमजोर कुरालाई कलम तिखारेर लेख्नुहोस् : परराष्ट्र मन्त्री ज्ञवाली

चैत २२, २०७५ शुक्रबार १९:१४:३५ | रासस

काठमाण्डाै - परराष्ट्रमन्त्री प्रदीपकुमार ज्ञवालीले सरकारका नराम्रो कामको आलोचना गर्न लेखकलाई आग्रह गर्नुभएको छ ।

शुक्रबार प्रगतिशील लेखक सङ्घको ११ औँ राष्ट्रिय सम्मेलनको यहाँ उद्घाटन गर्दै उहाँले लेखकलाई सरकारको राम्रो कामको प्रशंसा र नराम्रो कामको आलोचना गर्न आग्रह गर्नुभयो ।

'पार्टी र सरकारभित्रका कमजोर कुरालाई कलम तिखारेर लेख्नुहोस्', उहाँले भन्नुभयो, 'हामी लेखकले लेखेका कुरालाई आत्मसात् गर्दै भएका कमजोरी हटाउने छाैँ ।' दल नजिक हुनु वा नहुनु लेखकको कुनै सम्बन्ध नभएको स्पष्ट पार्दै उहाँले प्रगतिशील लेखकले सरकारलाई सही दृष्टिकोण दिने खालका लेख लेख्नुपर्ने बताउनुभयो ।

मन्त्री ज्ञवालीले देशमा राजनीतिक रुपान्तरण गर्न लेखकको महत्वपूर्ण भूमिका रहेको उल्लेख गर्दै अब सांस्कृतिक रुपान्तरणमा ध्यान दिनुपर्ने बताउनुभयो । उहाँले सांस्कृतिक रुपान्तरणका नाममा विचार, सिद्धान्तमाथि विभिन्न पक्षबाट हमला हुन थालेको भन्दै प्रगतिशील लेखक सङ्घले त्यस्ता हमलामाथि धावा बोल्नुपर्ने बताउनुभयो ।

'सांस्कृति रुपान्तरणका नाममा केहीले आफ्ना विचार र सिद्धान्त लाद्न खोजिएको छन्', उहाँले भन्नुभयो, 'यो वामपन्थी हमला नभएर समग्रमाथिको हमला हो । यस्ता खालका हमलालाई लेखकले आफ्ना लेखबाट प्रतिकार गर्नुपर्दछ ।' उहाँले देश नयाँ रुपान्तरणको बाटोमा रहेकाले सरकारले जनताका सेवा प्रवाहमा चुस्तता ल्याउने थालेको बताउनुभयो ।

सांस्कृतिक रुपान्तरणको सोचजस्तो नभएकाले त्यसको अगुवा गर्न लेखकलाई आग्रह गर्नुभयो । 'सामाजिक रुपान्तरण सोचेजस्ता भएको छैन । सामाजिक रुपान्तरणका लागि माथिका संरचना बनाए पनि तलका आधारभूत संरचना नबन्दा समस्या छ', उहाँले भन्नुभयो, 'सामाजिक रुपान्तरणका लागि अब तलका संंरचना बलियो बनाउनु पर्दछ ।' मन्त्री ज्ञवालीले राणा शासन, पञ्चायत र राजतन्त्र फाले पनि जनताका समृद्धि ल्याउने खालका कार्यक्रम सरकारले ल्याएको जानकारी गराउनुभयो ।

जनसांस्कृति महासङ्घ नेपालका अध्यक्ष सरल सहयात्री, नेपाली लेखक सङ्घका अध्यक्ष श्रवण मुकारुङ्गलगायतले सम्मेलनको शुभकामना दिँदै नेपालको प्रगतिशील आन्दोलनलाई एकताबद्ध बनाउनुपर्ने बताउनुभयो । सम्मेलनमा देभरभरका विभिन्न ५६ जिल्ला शाखाबाट झण्डै ४५० प्रतिनिधि सहभागी रहेको छ । सम्मेलनमा प्रगतिशील साहित्यिक क्षेत्रका वर्तमान चुनौती र भावीदिशाका बारेमा समेत छलफल भएको प्रलेसका अध्यक्ष मातृका पोखरेलले जानकारी दिनुभयो ।

उहाँले प्रगतिशील आन्दोलनका क्षेत्रमा बहस चल्नु उचित भए पनि राष्ट्रियता, जनतन्त्र, जनजीविका र भूमण्डलीकृत सांस्कृतिक साम्राज्यवाद–विरुद्धको मूल एजेण्डामा एकै ठाउँमा उभिएर जाने बताउनुभयो ।

यसैगरी सम्मेलनमा शान्ता मानवी, शारदारमण नेपाल, प्रा‍. डा. श्रीधर गौतम र हरिहर खनाललाई परराष्ट्रमन्त्री ज्ञवालीले सम्मान गर्नुभयो । प्रगतिशील साहित्यिक क्षेत्रमा उहाँहरुले दिनुभएको योगदानको मूल्याङ्कन गर्दै सम्मानित गरिएको हो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्