नेपाली कामदारको अवस्था बुझ्न सरकारी टोली यूएईमा

चैत २५, २०७५ सोमबार १७:५६:४७ | उमाकान्त पाण्डे

यूएई – यूएईमा कार्यरत नेपाली कामदारको अवस्थाबारे अध्ययन गर्न श्रम मन्त्रालय, वैदेशिक रोजगार बोर्ड, र वैदेशिक रोजगार विभागको टोली यूएई आएको छ ।

वैदेशिक रोजगार बोर्डका कार्यकारी निर्देशक राजनप्रसाद श्रेष्ठ, बोर्डका उपसचिव ऋषिराम भुसाल र लेखा अधिकृत नारायणप्रसाद दाहाल, श्रम मन्त्रालयका शाखा अधिकृत प्रकाश पन्थी र वैदेशिक रोजगार विभागका कम्युटर इञ्जिनियर राजु श्रेष्ठ सोमबार बिहान यूएई आइपुग्नुभएको हो ।

टोलीले सोमबार नै इमिरेट्स फ्लाइट क्याटरिङ्ग कम्पनीमा कार्यरत नेपालीहरुसँग प्रत्यक्ष भेटघाट गरेको छ । यस्तै टोलीले यूएईका विभिन्न कम्पनीमा पुगेर त्यहाँ कार्यरत नेपाली कामदारसँग प्रत्यक्ष भेटघाट गर्ने र उनीहरुको अवस्था बुझ्ने नेपाली दूतावास यूएईले जनाएको छ ।

यस्तै नेपाली दूतावासमा प्रविधिको प्रयोगबारे पनि छलफल गर्ने र त्यसलाई थप प्रभावकारी बनाउने विषयमा पनि टोलीले दूतावासमै छलफल गर्नेछ ।

अहिले दूतावासबाटै मागपत्र प्रमाणीकरण गर्ने र त्यसलाई अनलाइनमा राख्ने लगायतका काम भइरहेको छ । ‘दूतावासमा प्रयोग भएको आईटी प्रविधिको बारेमा टोलीले छलफल गर्नेछ र अहिले भइरहेको कामलाई थप प्रभावकारी बनाउने विषयमा पनि छलफल हुनेछ, ’ दूतावासका प्रवक्ता सागरप्रसाद फुयाँलले भन्नुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्