८६ वर्षमा नागरिकता पाएकी बोहरा भन्छिन्: सामाजिक सुरक्षा भत्ताले मासु खान्छु

चैत २७, २०७५ बुधबार १८:४४:१७ | डीबी बिष्ट

बझाङ - १९९० सालमा जन्मनु भएकी साएपाल गाँउपालिका–४ की फुर्पु लामु बोहराले ८६ वर्षको उमेरमा घरैमा ७११६७५।०००१६ नम्बरको नागरिकता पाउनुभएको छ ।

घुम्ती शिविरका क्रममा प्रमुख जिल्ला अधिकारी सुरेश सुनारसहितको टोलीले साइपालको धुलीमा रहेको बोहराको घरमै पुगेर नागरिकता दिनुभएको हो ।

घरमै नागरिकता पाएपछि बोहराले प्रमुख जिल्ला अधिकारी सहितको टोलीलाई धन्यबाद व्यक्त गर्नुभयो ।

‘बुढेसकालमा नागरिकता मात्रै बनाउन सके हुन्थ्योजस्तो लागेको थियो’, बोहराले भन्नुभयो, ‘मसंगका धेरै जस्तो साथीसंगीहरु नागरिकता नै नपाएर मरे । मेरो पनि त्यस्तै हालत होला भन्ने सोचेकी थिएँ । धन्न शिविरले नागरिकता बनाइदियो, सरकारलाई धन्यवाद छ ।’

प्रमुख जिल्ला अधिकारी सुरेश सुनारले अब सामाजिक सुरक्षा भत्ता पाइने र त्यो रकमले के गर्नु हुन्छ भनेर सोध्दा बोहराले रक्सी र मासु खाने बताउनुभयो । उत्तर सुनेर छक्क परेका प्रजिअ अधिकारीले कारण बुझ्दा बोहराले आफूहरुको सुख दु:ख दुवैमा रक्सी खाने चलन भएकाले नागरिकता पाएको खुशीमा रक्सी र मासु खाने जवाफ दिनुभयाे ।

बोहराजस्तै यहाँ धेरै व्यक्तिहरुले घरमा नै नागरिकता पाएपछि दंग भएका छन् । एउटा नागरिकता लिन १० देखि ३५ हजारसम्म खर्च हुने गरेका कारण यहाँका धेरैजसोले नागरिकता नै नबनाएको पाइएको प्रमुख जिल्ला अधिकारी सुनारको भनाइ छ ।

आफ्नो नागरिकता बनाउँदा २० हजार खर्च भएको बताउँदै फुर्पुलामु बोहराका छोरा धन बहादुरले अहिले आमालाई बोकेर सदरमुकामसम्म पुर्याउन सकिने अवस्था नरहेको र मौकाले शिविर सञ्चालन भएकाले नागरिकता पाएको बताए ।

यस्तै साइपाल गाँउपालिका–४ का ७६ वर्षीय पौरख्या बोहराले पनि नागरिकता पाएका छन् भने धेरैले युवाहरुले नागरिकता, तिब्बत प्रवेश पत्रलगायतकf सेवा पाएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्