राष्ट्रपति भण्डारीद्वारा नवदुर्गा नाचको अवलोकन

वैशाख ७, २०७६ शनिबार २०:३०:२९ | रमेश गिरी

भक्तपुर – राष्ट्रपति विद्यादेवी भण्डारीले भक्तपुरमा नवदुर्गा भवानीको पूजा अर्थात द्यौ बोयकेगु, नवदुर्गा नाच र मौलिक हस्तकला प्रदर्शनीको अवलोकन गर्नु भएको छ ।

भक्तपुर उद्योग वाणिज्य संघले भक्तपुर जिल्ला प्रशासन कार्यालय परिषरमा आयोजना गरेको प्रदर्शनीको उहाँले अवलोकन गर्नुभएको हो । नवदुर्गा देवगणले प्रस्तुत गरेको तान्त्रिक विधि एवं शक्तिस्वरुप नवदुर्गा नाच अन्तर्गत मंगलसिद्धि नाच र गणेश नाचको अवलोकन गर्नुभएको हो ।

राष्ट्रपति भण्डारीले स्थानीय हस्तकलाका सामाग्रीहरुको समेत अवलोकन गर्नुभएको थियो । उहाँले त्यसक्रममा भक्तपुरको प्रसिद्ध तलेजु भवानीको मन्दिर परिषरको समेत अवलोकन गर्नुभएको थियाे ।

उहाँले देवगणलाई दक्षिणा दिनुको साथै नवदुर्गा नाच सञ्चालनका लागि स्थापना गरिएको अक्षय कोषमा जिल्ला समन्वय समितिले उपलब्ध गराएको १५ लाख रुपैयाँ र भक्तपुर उद्योग वाणिजय संघले उपलब्ध गराएको ५ लाख रुपैया गरी कूल २० लाख रुपैयाँ पनि हस्तान्तरण गर्नुभयो ।

कार्यक्रममा प्रतिनिधिसभाका सांसद महेश बस्नेतले प्रदर्शनीमा राखिएका उत्पादनबारे जानकारी गराउनु भएको थियो । संघका अध्यक्ष रामप्रसाद प्रजापतिले कार्यक्रमका बारेमा तथा इतिहासविद् डा. पुरुषोत्तमलोचन श्रेष्ठले नवदुर्गा नाचको शक्ति र महत्वको बारेमा जानकारी गराउनु भएको थियो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रमेश गिरी

भक्तपुरका पत्रकार रमेश गिरी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्