डुबानमा परेपछि स्थानीयले भत्काए भारतीय नहर

असार १९, २०७५ मंगलबार ११:२५:३३ | बृजराज कुशवाह

नवलपरासी – बर्सेनि डुबान र कटानको पीडा भोग्दै आएका गण्डक कमाण्ड क्षेत्रका वासीन्दाहरुले यसवर्ष पनि डुबानमा परेपछि भारतीय गण्डक नहरको बाँध भत्काएर पानीको निकास गराएका छन् ।

अबिरल वर्षाका कारण आएको बाढीको पानी जमेको दुई दिनभन्दा बढी भएपछि धानबाली कुहिने त्रासले बाँध काटेर भए पनि पानी निकास गराउन बाध्य भएको सुस्ता गाउँपालिका वडा नं २ का वडाध्यक्ष कृष्णलाल मुखियाले बताउनुभयो ।

वडा नम्बर २ मा ३०० विगाहा भन्दा बढी क्षेत्रफलमा रोपिएको डुबानमा परेको थियो । यहाँको पानीको निकासका लागि रानीनगर गण्डक नहरमा साईफन बनाइएको भए पनि साइफनले पूर्ण क्षमतामा पानी तान्न सकेको छैन ।

वडाध्यक्ष मुखियाका अनुसार साइफनको सफाई भारत सरकारले गर्नुपर्छ तर यो वर्ष पनि नाम मात्रको सफाई गरिएको छ । जसले गर्दा साईफनले पानी तान्न सक्दैन र डुबान हुने गर्छ ।

बाढीको पानीले धानबाली डुबानमा परेपछि रानीनगरको पश्चिमतर्फ गण्डक नहरको बाध काटिएको हो । यो क्षेत्रमा गएको वर्ष पनि डुबान भएको थियो । डुबानका कारण धानबाली नष्ट भएको थियो ।

पानीले डुबेपछि गएको वर्ष पनि सुस्ता गाउँपालिका क्षेत्र मै गण्डक नहर भत्काउने प्रयास भएको थियो । यसले गर्दा नेपाली र भारतीय पक्षबीच झगडा पनि भएको थियो ।

नेपाल र भारतबीच सन् १९५९ मा भएको सिंचाई तथा जलविद्युत सम्झौता अनुसार गण्डक कमाण्ड क्षेत्रमा डुबान कटानको प्रभावबाट रक्षात्मक उपाय गर्ने जिम्मेवारी भारतीय पक्षको हुनेछ । तर भारतीय पक्ष उदासिन रहने गरेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बृजराज कुशवाह

बृजराज कुशवाह नवलपरासी सुस्ता पश्चिमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्