पाकिस्तानी प्रधानमन्त्री इमरानले दिए मोदीलाई बधाई !

 जेठ ९, २०७६ बिहिबार १७:४५:१६ | उज्यालो सहकर्मी
unn.prixa.net

पाकिस्तानी प्रधानमन्त्री इमरान खानले भारतीय प्रधानमन्त्री नरेन्द्र मोदीलाई जितको बधाई दिएका छन् । 

विभिन्न चरणमा भएका लोकसभा चुनावको मतपरिणाम सार्वजनिक हुने क्रममा छ । पछिल्लो मतपरिणामअनुसार भारतीय जनता पार्टी(बीजेपी) एक्लै सरकार बनाउने हैसियतमा आएको छ । उसले झण्डै ३०० सिटमा अग्रता बनाएको छ । उसको नेतृत्वको राष्ट्रिय गणतान्त्रिक गठबन्धन(एनडीए) मा आवद्ध पार्टी भने झण्डै ३४० सिटमा अगाडि रहेका छ । ५४३ सिट रहेको भारतीय लोकसभामा सरकार बनाउन कम्तीमा २७२ सिट आवश्यक पर्दछ । 

पाकिस्तानी प्रधानमन्त्री इमरान खानले भारतीय समकक्षी नरेन्द्र मोदीलाई बधाई दिँदै दक्षिण एसियाको शन्ति, प्रगति र समृद्धिका लागि मिलेर काम गर्न चाहेको बताएका छन् ।

गएको फेब्रुअरीमा पुलवामामा भएको आतंककारी आक्रमणपछि भारत–पाकिस्तान सम्बन्ध चिसिएको थियो । भारतले बालाकोटमा सर्जिकल स्ट्राइक नै गरेको थियो । चुनावी प्रचारप्रसारमा मोदीले त्यसैलाई आफ्नो चुनावी मुद्दासमेत बनाएका थिए । 
 

 

अन्तिम अपडेट: असार ८, २०७६

तपाईको प्रतिक्रिया