लगातारको वर्षाका कारण कपिलवस्तुमा ७ सय बिगाहा खेत डुबानमा

असार १९, २०७५ मंगलबार २०:१५:९ | गोपाल भण्डारी

कपिलवस्तु – दुई दिनको लगातारको वर्षापछि मायादेवी गाउँपालिका वडा नं. ८ बिजुवाको जमुनी, हरिवंशापुर, बिजुवा र बरकुल गाउँको खेतीयोग्य जमिन जलमग्न भएको छ ।

आइतबारबाट अविरल रुपमा वर्षा सुरु भएपछि यहाँको झण्डै ७ सय बिगाहा खेती योग्य जमिन डुबानमा परेको हो । धान रोप्न तयार भएको खेत जलमग्न हुँदा किसानहरु चिन्तित बनेका छन् । बिजुवाको जमुनी, हरिवंशापुर, बिजुवा र बरकुल गाउँको विचमा रहेको धान खेत जलमग्न भएपछि रोपाइँ भएको करिब ३ सय बिगाहा धान खेती बाढीले बगाएको छ ।

बिजुवा दक्षिण भारतको सीमानामा पर्ने सिसवा र मझौली सागरमा भारत सरकारले सिंचाइको लागि फाटक लगाई पानी थुनिदिएकाले यस्तो समस्या आएको छ । भारत सरकारले आफ्नो सीमा क्षेत्रभित्र सिंचाइको लागि बनाएको अग्लो तटबन्ध र फाटकले यस्तो समस्य वर्षौँदेखि आइरहेको वडाध्यक्ष कृष्णनारायण तिवारीले बताउनुभयो ।

विगतमा तटबन्ध निर्माणको लागि स्थानीयहरु पहिले जिल्ला विकास समिति कपिलवस्तु तथा जल उत्पन्न प्रकोप नियन्त्रण कार्यालय भैरहवामा समेत योजनाहरु माग गर्दै आएका थिए । तर कतैबाट बाढी नियन्त्रणको योजना नपाएको स्थानीयका गुनासो छ । डुबान समस्याको बारेमा अनगुगमन गर्दै यो समस्या समाधानका लागि प्रदेश सभामा आवाज उठाउने प्रदेशसभा सदस्य सहसराम यादवले बताउनुभयो ।

बिजुवाको डुबान क्षेत्र मात्रै हैन, मायादेवी गाउँपालिकाको पिपरामा रहेको तुल्सीडिहवा तालले पनि खेतीयोग्य जमिन डुबानमा पारेको मायादेवी गाउँपालिकाका प्रमुख बजरंगी प्रसाद चौधरीले बताउनुभयो ।

समस्या समाधानका लागि स्थानीय सरकारले प्रदेश सरकार र केन्द्र सरकारसँग सहयोग लिएर पहल गर्ने गाउँपालिका प्रमुख चौधरीले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्