अमेरिकाले एक हजार सैनिक पोल्याण्ड पठाउने: के चाहन्छन् ट्रम्प ?

जेठ ३०, २०७६ बिहीबार १९:४७:४३ | एजेन्सी

अमेरिकी राष्ट्रपति डोनाल्ड ट्रम्पले पोल्याण्डका राष्ट्रपति आन्द्रेज डूडासँगको पत्रकार सम्मेलनमा अमेरिकाले एक हजार सैनिक पोल्याण्ड पठाउने बताएका छन् ।

‘पोल्याण्ड पठाइने सैनिकसँग ड्रोन र बाँकी सैनिक हतियार पनि हुनेछ,’ अमेरिकी राष्ट्रपति ट्रम्पले भने । यद्दपि उनले पोल्याण्डमा एक स्थायी अमेरिकी सैनिक क्याम्प बनाउने बारे भने केही भनेका छैनन् ।

सैनिक क्याम्प बनाउनका लागि पोल्याण्डले अमेरिकालाई दुई सय करोड डलरको अफर पनि दिएको थियो । राष्ट्रपति डूडाले त सैनिक क्याम्पको नाम ‘ट्रम्प किल्ला’ पनि राख्न सकिने बताएका थिए ।

ट्रम्पले भनेका छन्, ‘अमेरिकाले पोल्याण्डको यो आग्रहलाई सकारात्मक रुपमा नै लिएको छ तर रुसले प्रतिक्रिया जनाउने हुनाले स्थायी क्याम्प बनाउन आनाकानी गरेका हौँ ।’

अमेरिका र पोल्याण्डले रक्षा क्षेत्रमा आपसी सहयोगका लागि सम्झौता पनि गरेका छन् । सम्झौतामा एक सय अमेरिकी डिभिजन र आधारभूत संरचना बनाउनुपर्नेछ, जहाँ अमेरिकी सैनिक अस्थायी रुपमा चक्कर लगाउनेछन् ।

नयाँ सम्झौताको मतलब के हो ?

बीबीसीका रक्षा मामलाका संवाददाता जोनाथन मार्कस भन्छन्, ‘पछिल्लो वर्षदेखि नै पोल्याण्ड सरकार अमेरिकालाई आफ्नो भूमिमा सैनिक क्याम्प बनाउनका लागि मनाइरहेको छ ।’

सैनिक क्याम्पको नाम ‘ट्रम्प किल्ला’ पनि भनि सकिएको छ तर सैनिक क्याम्प बनाउनका लागि केही समस्या छ ।

यसका लागि पैसा कसले दिन्छ ? पोल्याण्डले दुई सय करोड डलरको प्रस्ताव गरेको छ, यसले त क्याम्पको सुरुवात मात्र गर्न सकिन्छ ।

पोल्याण्डमा सैन्य डिभिजन कहाँबाट आउँछ ? पोल्याण्डले अमेरिकाबाट सैनिक जुटाउन निकै महंगो पर्छ । यदि जर्मनी र इटलीबाट ल्याउँदा अमेरिकासँगको सम्बन्ध चिसिन्छ ।

सबैभन्दा ठूलो कुरा त स्थायी बेस बनाउनु भनेको नाटो र रुसबीच सन् १९९७ मा भएको सम्झौताको उल्लंघन हुनु हो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्