नेपालले ३७ वर्षपछि हङकङसँग मैत्रीपूर्ण फुटबल खेल्ने

वैशाख १०, २०८२ बुधबार १५:२८:१५ | उज्यालो सहकर्मी

काठमाण्डाै – नेपालले ३७ वर्षपछि हङकङसँग अन्तर्राष्ट्रिय मैत्रीपूर्ण फुटबल खेल्ने भएको छ ।

नेपाली राष्ट्रिय टोलीले आउँदो जुन ५ मा हङकङसँग मैत्रीपूर्ण फुटबल खेल्न लागेको अखिल नेपाल फुटबल सङ्घ (एन्फा) ले जानकारी दिएको हो । यो खेल हङकङको घरेलु मैदानमा हुनेछ ।

यसअघि नेपाल र हङकङले सन् १९८८ मा एएफसी एशियन कपमा प्रतिस्पर्धा गरेको थिए । त्यो खेल गोलरहित बराबरीमा सकिएको थियो । फिफा वरीयतामा हङकङ नेपालभन्दा अगाडि छ । वरीयतामा हङकङ १५३औं र नेपाल १७५औं स्थानमा रहेको छ ।

नेपालले पछिल्लो पटक गएको मार्च २५ मा एएफसी एशियन कप छनोटमा घरेलु टोली मलेशियासँग खेलेको थियो । त्यो खेलमा नेपाल २–० गोलले पराजित भएको थियो ।

हङकङसँगको मैत्रीपूर्ण खेलपछि नेपालले एशियन कप छनोटको तेस्रो चरणको दोस्रो खेलमा जुन १० मा लाओससँग खेल्नेछ ।

अन्तिम अपडेट: बैशाख १०, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालले ३७ वर्षपछि हङकङसँग मैत्रीपूर्ण फुटबल खेल्ने

फाइल तस्वीर

तपाईको प्रतिक्रिया