बिश्केकमा नरेन्द्र मोदी र इमरान खानबीच कुराकानी

जेठ ३२, २०७६ शनिबार ११:१४:४४ | एजेन्सी

भारतीय प्रधानमन्त्री नरेन्द्र मोदी र पाकिस्तानी प्रधानमन्त्री इमरान खानबीच कुराकानी भएको छ ।

किर्गिस्तानको राजधानी बिश्केकमा भएको सांघाई कोअपरेसन अर्गनाइजेसनको सम्मेलनमा दुई छिमेकी देशका प्रधानमन्त्रीबीच शुक्रबार कुराकानी भएको भारतीय सञ्चार माध्यमले जनाएका छन् ।

मोदी र खानबीच सम्मेलनको दोस्रो दिनमात्रै कुराकानी भएको हो । त्यसैले पनि अन्तर्राष्ट्रिय सञ्चार माध्यमले पनि यसलाई प्राथमिकताका साथ समाचार बनाएका छन् । पाकिस्तानी प्रधानमन्त्री इमरान खान र विदेशमन्त्री शाह महमूद कुरैशीेले पत्र लेखेर भारत र पाकिस्तानबीच फेरि वार्ताको वातावरण बनोस् भन्ने चाहेको बताइएको छ ।

इमरान खानले भारतीय आम चुनावमा नरेन्द्र मोदीको जितपश्चात मे २६ मा फोन गरेर बधाई दिनुका साथै दुवै देशका नागरिकको हितका लागि मिलेर अगाढि बढ्ने प्रतिबद्धता जनाएका थिए । जवाफमा भारतीय प्रधानमन्त्री मोदीले दक्षिण एसियामा शान्ति र समृद्धि ल्याउनका लागि हिंसामुक्त वातावरण बन्नु पर्नेमा जोड दिएका थिए ।

सन् २०१६ मा पठानकोट एयरबेसमा भएको आक्रमणपछि भारतले पाकिस्तानसँग द्विपक्षीय वार्तामा सहभागी भएको छैन । गएको फेब्रुअरी १४ मा कश्मीरकाे पुलवामामा भएको आक्रमणपछि त भारत र पाकिस्तानबीचको सम्बन्ध झनै चिसिँदै गएको थियो । यस्तो अवस्थामा दुई देशका प्रधानमन्त्रीबीचमा कुराकानी हुनुलाई अर्थपूर्ण रुपमा हेरिएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्