प्रदेश पाँचको बजेट परिणाममुखी छ : मुख्यमन्त्री पोखरेल, वितरणमुखी भयो : कांग्रेस

असार २, २०७६ सोमबार ११:५९:३८ | उज्यालो सहकर्मी

रुपन्देही – पाँच नम्बर प्रदेशका मुख्यमन्त्री शंकर पोखरेलले आन्तरिक राजश्व प्रक्षेपण भन्दा बढी संकलन हुँदा खर्च गर्ने आँट बढेको बताउनु भएको छ । केन्द्रबाट दिने अनुदान नबढे पनि आन्तरिक राजश्व बढेका कारण बजेटको आकार बढेको उहाँको भनाइ छ ।

सोमबार बुटवलमा आयोजीत पत्रकार सम्मेलनमा बोल्दै उहाँले बजेट घाटाको होइन श्रोत को उपलब्धतासहित छ त्यसकारण बजेट वितरणमुखी भयो भन्ने आरोप गलत भएको बताउनु भयो ।

मध्यावधि खर्चको समीक्षा र आगामी आर्थिक वर्षको बजेटको प्रक्षेपण गर्नु बजेटको सकारात्मक पाटो भएको उहाँको भनाइ छ । आवधिक योजनामा आधारित भएकाले बजेट परिणाममुखी हुने मुख्यमन्त्री पोखरेलले बताउनु भयो ।

बजेट वितरणमुखी र नेकपाका कार्यकर्ता पोस्न प्ररित रहेको भन्दै विपक्षी नेपाली कांग्रेसले आलोचना गरेको छ । प्रदेशसभा सदस्य फकरुद्धिन खानले बजेटले समृद्ध प्रदेशको सपनालाई उपेक्षा गरेको भन्दै बजेट विनियोजन गर्दा हिमाल, पहाड र तराई मधेशलाई विभेद गरिएको आरोप लगाउनुभयो ।

उहाँले बजेट सरसर्ती हेर्दा समृद्ध नेकपा, सुखी कार्यकर्ताको डिजाइनमा ल्याइएको बताउनु भयो । प्रदेश सरकारले आर्थिक वर्ष २०७६–०७७ को लागि ३६ अर्ब ४१ करोडको बजेट आइतबार सार्वजनिक गरेको थियो ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्