रसुवागढी जलविद्युत आयोजनाको सुरुङभित्र थुनिएका मजदुरलाई निकालिँदै

असार ६, २०७६ शुक्रबार ७:३२:५४ | उज्यालो सहकर्मी

रसुवा – रसुवागढी जलविद्युत आयोजनाको सुरुङमा थुनिएका १७ जना मजदुरलाई बाहिर निकाल्ने प्रयास भइरहेको छ ।

पहिरोले थुनेको सुरुङको मुख खोलिएको र सुरुङभित्र थुनिएका ११ जना नेपालीसहित ६ जना चिनियाँ मजदुरलाई बाहिर निकाल्ने प्रयास भइरहेको रसुवा प्रमुख जिल्ला अधिकारी अर्जुन भण्डारीले उज्यालोलाई जानकारी दिनुभयो ।

हिजो बेलुकी ८ बजेतिर खसेको पहिरोले निर्माणधिन रसुवागढी जलविद्युत आयोजनाको सुरुङको प्रवेशद्वार पुरेको थियो । बिहानैदेखि नेपाली सेना, नेपाल प्रहरी र सशस्त्र प्रहरी घटनास्थलमा खटिएका छन् । सुरुङभित्र रहेका १७ जना मजदुरको स्वास्थ्य अवस्था सामान्य रहेको पनि प्रमुख जिल्ला अधिकारी भण्डारीले जानकारी दिनुभयो । उहाँका अनुसार आयोजनास्थलमा डाक्टरको टोली पनि पुगेको छ ।

गोसाइँकुण्ड गाउँपालिका–२, तातोपानी क्षेत्रबाट झण्डै सय मिटर माथि यो परियोजना बनिरहेको छ । रसुवागढी नजिकै १११ मेगावाटको जलविद्युत आयोजना बनिरहेको हो । भूकम्पीय जोखिमयुक्त भएकाले पनि त्यहाँ पहिरोको सम्भावना धेरै रहेको प्रमुख जिल्ला अधिकारी अर्जुन भण्डारीले बताउनुभयो ।

अन्तिम अपडेट: फागुन १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रसुवागढी जलविद्युत आयोजनाको सुरुङभित्र थुनिएका मजदुरलाई निकालिँदै

फाइल फाेटाे

तपाईको प्रतिक्रिया