काठमाण्डौ – नक्कली एटीएम कार्डकाे प्रयोग गरेर २० लाख रुपैयाँभन्दा बढी रकम चाेरी गर्ने गिरोहका एक सदस्य पक्राउ परेका छन् । 

बारा पिपरपानी-७ घर भएर काठमाण्डौ महानगरपालिका ३१ शंखमुल बस्ने ३३ वर्षीय राजु कुमार पाण्डेलाई केन्द्रीय अनुसन्धान ब्यूरोले बिहीबार फक्राउ गरेको हो । 

पक्राउ परेका पाण्डेले तीन जना रोमानियाका नागरिकहरुसँग मिलेर राष्ट्रिय वाणिज्य बैंकको काठमाण्डौ उपत्यकाको विभिन्न एटीएम बुथबाट नक्कली एटीएम कार्ड प्रयोग गरेर पैसा निकाल्ने गरेकाे पाइएकाे छ । 

पाण्डेसँगै घटनामा संलग्न भएका तीन जना रोमानियाका नागरिकहरुले भने नेपाल छोडिसकेको बताइएको छ । एटीएम कार्ड ठगीमा ब्यूरोले हालसम्म ६ नेपाली, ४ रोमानियाका, ४ टर्कीका, ४ बुल्गेरियाका, २ भारतीय र ४ माल्दिभ्सका गरी २४ जनालाई पक्राउ गरिसकेको छ ।