लिबिया : हवाई आक्रमणमा ४० आप्रवासीको मृत्यु

असार १८, २०७६ बुधबार ११:५६:५६ | एजेन्सी

लिबियाको आप्रवासी शिविरमा भएको हवाई आक्रमणमा कम्तीमा ४० जनाले ज्यान गुमाएका छन् । लिबियाको राजधानी त्रिपोलीको पूर्वी भागमा भएको आक्रमणमा अन्य ८० जना घाइते भएको अधिकारीहरुले जनाएका छन् । आक्रमणमा परेर ज्यान गुमाउनेमा धेरै अफ्रिकी आप्रवासीहरु रहेका छन् ।

पछिल्ला केही वर्षमा यूरोप जाने आप्रवासीहरुका लागि लिबिया प्रमुख केन्द्र बनेको छ । लामो समयसम्म शासन सत्ता सम्हालेका मुअम्मर गद्दाफी सन् २०११ अपदस्थ भएपछि र मारिएपछि लिबिया हिंसात्मक र विभाजनको संघारमा छ ।

आपतकालीन सेवाका प्रवक्ता ओसामा अलीले अन्तर्राष्ट्रिय सञ्चारमाध्यम एएफपीलाई भने, ‘हवाई आक्रमणको समयमा शिविरमा एक सय २० जना थिए ।’ आक्रमणमा मृतकको संख्या थप बढ्न सक्ने उनले बताए ।

संयुक्त राष्ट्रसंघको समर्थन प्राप्त सरकारका प्रधानमन्त्री फयज अल-सेराले त्रिपोलीको पूर्वी उपनगर ताजौरामा भएको हवाई आक्रमणमा लिबियन नेशनल आर्मीको हात रहेको आरोप लगाएका छन् । यद्दपि यो प्रमाणित भैसकेको छैन । आप्रवासी शिविरमा भएको आक्रमणलाई ‘पूर्व निर्धारित’ र ‘जघन्य अपराध’ भएको एक बयानमा बताइएको छ ।

लिबियन नेशनल आर्मीको नेतृत्व खलीफा हफ्तारले गर्दै आइरहेका छन्, जसलाई निकै शक्तिशाली मानिन्छ । संयुक्त राष्ट्रसंघको शरणार्थी संस्थाले पनि आप्रवासी शिविरमा भएको आक्रमण निकै चिन्ताको विषय भएको प्रतिक्रिया दिएको छ ।

यूरोप जाने हजारौँ मानिसहरु सरकारले सञ्चालन गरेको आप्रवासी शिविरमा शरण दिँदै आइरहेका छन् । मानवअधिकारसम्बन्धी काम गर्ने संस्थाहरुले पनि यी आप्रवासी शिविरहरुको अवस्थालाई लिएर आलोचना गर्दै आइरहेका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्