जब पञ्जाबका दुई किशोरीले राष्ट्रपति कोविन्दलाई आफ्नै रगतले चिठी लेखे...

असार २१, २०७६ शनिबार १६:५:२८ | एजेन्सी

भारतकाे पञ्जाब राज्यकाे मोगा शहरका दुई किशोरीले आफ्नै रगतबाट राष्ट्रपति रामनाथ कोविन्दलाई चिठी लेखेका छन् ।

ती दुई किशोरीले आफूमाथि झूटो आरोप लगाइएको र सहयोगका लागि भनेर राष्ट्रपति कोविन्दलाई चिठी लेखेका हुन् । चिठीमा दुई जना किशोरीले ठगीको आरोपमा आफूमाथि आरोप लगाइएको दावी गरेका छन् ।

उनीहरुले चोरीको आरोपमा फसेको र डर त्रासको वातावरणमा बाँचिरहेको चिठीमा लेखेका छन् । ती दुई किशोरीले न्याय नपाएको खण्डमा पुरै परिवारको लागि इच्छामृत्युको माग गरेका छन् ।

‘भारतीय दण्ड संहिताको धारा ४२० को अनुसार कथित भिसा ठगीको आरोपमा झूटो मुद्दा दर्ता गरिएको छ । हामीले प्रहरीलाई पनि अनुसन्धान गर्न भन्यौँ तर कसैले पनि सुनेनन्,' ती दुई किशोरीको भनाइलाई उद्धृत गर्दै स्थानीय सञ्चारमाध्यमले जनाएको छ ।

‘यदि हामीले न्याय पाएनौँ भने पुरै परिवारका लागि इच्छामृत्युको माग गरेका छौँ', उनीहरुले भनेका छन् ।

मोगाका प्रहरी अधिकारी कुलजिन्दर सिंंहले दुई किशोरीले प्रहरीमाथि लगाएको आरोपलाई नकारेका छन् । उनले दुई जना किशोरीमाथि आपराधिक मुद्दा दर्ता भएको र जाँच चलिरहेको बताए ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्