काठमाण्डौ – इंग्ल्याण्डमा आईसीसी एकदिवसीय विश्वकप क्रिकेट प्रतियोगिता चलिरहेको छ । विश्वकप क्रिकेटको फाइनल खेल लर्ड्स मैदानमा हुँदैछ ।  

'नेपाल भ्रमण वर्ष २०२०' लाई प्रबर्द्धन र प्रचार गर्न लर्ड्स मैदानमा नेपालको पर्यटन झल्किने पोस्टर देखिने भएको छ । लर्ड्स मैदान जाने अन्डरग्राउन्ड रेल स्टेशनमा नेपाल भ्रमण वर्षका पोस्टर राखिएको छ । 

लण्डनको सेन्ट जोन उड अन्डरग्राउन्ड रेल स्टेशनमा 'नेपाल भ्रमण वर्ष २०२०' लाई लक्षित गरेर नेपालका साहसिक पर्यटकीय स्थल, धार्मिक स्थल र ऐतिहासिक संरचनाको फोटो राखिएको छ । 

विश्वकप क्रिकेटको फाइनल खेल लण्डनको लर्ड्स मैदानमा हुँदैछ । लर्ड्स मैदान जाने मुख्य स्टेशनमा पोस्टर राख्दा नेपाल भ्रमण वर्ष प्रभावकारी हुने नेपाल पर्यटन बोर्डले जनाएको छ ।