कर्नाटकमा फेरि सुरु भयो सत्ता पल्टाउने खेल, सांसद किनबेचकाे आशंका

असार २३, २०७६ सोमबार १४:४४:१ | एजेन्सी

भारतको दक्षिण-पश्चिम राज्य कर्नाटकका मन्त्री तथा निर्दलीय विधायक एच. नागेशले सोमबार राजीनामा दिएका छन् ।

उनले राजीनामा दिएपछि एच डी कुमारस्वामीले नेतृत्व गरेको गठबन्धन सरकारको समर्थन फिर्ता लिँदै सत्तारुढ जनता दल सेक्युलर (जेडीएस)-कांग्रेसको सरकारलाई ठूलो झड्का दिएका छन् ।

हालै लघु उद्योग मन्त्रीको रुपमा मन्त्रालयमा सामेल भएका नागेशले राजभवनमा राज्यपाल वजुभाई वालासँग भेट गर्दै त्यागपत्र सुम्पिएका हुन् । गठबन्धन सरकारका मन्त्रीहरुले राजीनामा दिने असन्तुष्ट विधायकको लागि आफ्नो पद छोड्न भनिएपछि नागेशले यो कदम उठाएका हुन् ।

एच नागेशको राजीनामा स्वीकृत भएपछि गुजरातको सूरतमा सत्तारुढ गठबन्धन आफ्नो बहुमत गुमाउने अवस्थामा पुग्ने भएको छ ।

एच नागेशले समर्थन फिर्ता लिएपछि विधानसभामा अध्यक्षबाहेक जेडीएस–कांग्रेस गठबन्धन सरकारको कुल ११७ सदस्य छन् । जसमा कांग्रेस-७८, जेडीएस-३७, बहुजन समाज पार्टी (बसपा)-१ र निर्दलीय-२ सदस्य छन् ।

सदनमा भारतीय जनता पार्टीको १०५ सदस्य छन् र बहुमतको लागि ११३ को आँकडा हुनु आवश्यक छ । यदि विधायकहरुको राजीनामा स्वीकृत हुँदा गठबन्धन सदस्यको संख्या घटेर १०४ मा पुग्छ ।

उता कर्नाटकमा कैंयौ विधायकहरुको राजीनामाको कारण कांग्रेस-जेडीएस सरकार संकटमा फस्ने निश्चित छ । पार्टीको स्रोतका अनुसार कर्नाटकमा ‘भाजपाले विधायकलाई खरिद गरेको’ विषयमा लोकसभा प्रश्न उठाइनेछ ।

कांग्रेसले शनिबार भाजपामाथि विधायक खरिद गरेर ‘संविधानको चीरहरण’ गरेको आरोप लगाउँदै केन्द्रको सत्तारुढ पार्टीको षड्यन्त्रले राज्यको सरकार नढल्ने बताएको थियो ।

कर्नाटक विधानसभाका १३ जना विधायकहरुले पछिल्लो केही दिनमा राजीनामा दिएका छन् । जसमा १० जना विधायक कांग्रेसका छन् भने तीन जना विधायक जेडीएसका छन् ।

गएको शनिबार राजीनामा दिने ११ जना विधायकमध्ये १० जना विधायक मुम्बईको एक होटलमा बसेका थिए ।

राज्यको २२४ सदस्यीय विधानसभामा सत्ताधारी गठबन्धनको संख्या विधानसभा अध्यक्षको अलावा ११८ रहेको छ । जसमा कांग्रेस-७८, जेडीएस-३७, बसपा-१ र निर्दलीय-२ छन् । यो संख्यामा राजीनामा दिइसकेका विधायक पनि छन् तर उनीहरुको राजीनामा विधानसभा अध्यक्षले अहिलेसम्म स्वीकार गरेका छैनन् ।

कर्नाटक विधानसभा चुनावमा सबैभन्दा कम सिट जितेको जनता दल सेक्युलरले सत्ता पायो र कांग्रेसको समर्थनमा एच डी कुमार कुमारस्वामी मुख्यमन्त्री बनेका थिए ।

यसरी विधायकहरुले राजीनामा दिने क्रम चुलिँदै गर्दा भारतीय जनता पार्टी बहुमतको स्थितिमा पुग्ने समीकरण देखिएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्