स्पेनको साँढे जुधाइ (तस्बिरमा)

असार २३, २०७६ सोमबार १८:०:४७ | एजेन्सी

स्पेनको शहर पामप्लोनामा वार्षिक रुपमा हुने 'सान फर्मिन' अर्थात् साँढे जुधाइको क्रममा तीन जना गम्भीर घाइते भएका छन् ।

घाइते हुनेहरुमा २३ वर्षीय र ४६ वर्षीय दुई अमेरिकी नागरिक र एक जना स्पेनकै नागरिक रहेका छन् । अन्य दुई जनालाई अस्पताल र केही मानिसहरुको टाउकोमा चोट लागेकाले अस्पताल पठाइएको छ । त्यस्तै ४८ जनालाई रेडक्रसले उपचार गरिरहेको छ ।

गएको जुलाई ६ देखि सुरु भएको 'सान फर्मिन' आउँदो आइतबारसम्म स्पेनको साँघुरो सडकमा आयोजना हुनेछ ।

यो पर्वमा घाइते हुनु सामान्य नै हो । सन् १९१० देखि सुरु भएको यो पर्वमा अहिलेसम्म १६ जनाले ज्यान गुमाइसकेका छन् । सन् २००९ मा ड्यानियल जिमेनो रोमियोपछि अन्यले ज्यान गुमाएका छैनन् ।

तर आइतबार ४६ वर्षीय अमेरिकी नागरिकको भने घाँटीको सर्जरी गर्नुपर्ने भएकाे छ ।

यो साँढे जुधाइ पर्वमा विश्वभरिबाट हजारौँका संख्यामा मानिसहरु उपस्थित हुने गरेका छन् ।

'सान फर्मिन' सँग पर्व र संस्कृति जोडिएको हुनाले पनि पटक-पटक पशु अधिकारकर्मीहरुको व्यापक विरोध भए पनि यो रोकिन गाह्रो छ । गएको शुक्रबार मात्रै पशु अधिकारकर्मीहरुले पामप्लोना सडकमा जनावरकाे आकृतिमा सुतेर विरोध जनाएका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्