भारतीय तरकारी तथा फलफूलको विषादी परीक्षण रोक्ने निर्णय तत्काल कार्यान्यवन नगर्नू : सर्वोच्च

 असार २५, २०७६ बुधबार १८:१२:१६ | उज्यालो सहकर्मी
unn.prixa.net

काठमाण्डौ – भारतबाट आउने तरकारी तथा फलफूलको विषादी परीक्षण रोक्ने मन्त्रिपरिषदको निर्णय तत्काल कार्यान्वयन नगर्न सरकारलाई अन्तरिम आदेश दिएको छ ।

न्यायाधीश डा. आनन्दमोहन भट्टराईको एकल इजलासले विषादी परीक्षण रोक्ने निर्णय तत्काल कार्यान्वयन नगर्ने आदेश दिएको हो । विषादी परीक्षण रोक्ने सरकारको निर्णयविरुद्ध मंगलबार अधिवक्ता स्वागत नेपाल, उपभोक्ता अधिकारवादी ज्योति बानियाँले  सर्वोच्चमा रिट निवेदन दर्ता गराएका थिए ।

बुधबारको पेशीमा अधिवक्ताहरु स्वागत नेपाल, नारायण प्रसाद दुवाडी, विकास भट्टराई, पुनम झा, शुभराज शिल्पकार, चन्द्रकुमारी चौलागाईँ, पदमबहादुर श्रेष्ठ र निदेशराज सत्याल लगायतले बहस गर्नु भएको थियो ।

सर्वोच्च अदालतले दुवै पक्षलाई छलफलका लागि यही ३० गते डाकेको सर्वोच्च अदालतका सूचना अधिकारी देवेन्द्र ढकालले जानकारी दिनुभयो । 

अन्तिम अपडेट: चैत ११, २०८०

तपाईको प्रतिक्रिया