पाकिस्तानका पूर्व प्रधानमन्त्री अब्बासी गिरफ्तार, अरबाैँ हिनामिना गरेको आरोप

साउन २, २०७६ बिहीबार १७:२३:३६ | एजेन्सी

पाकिस्तानका पूर्व प्रधानमन्त्री शाहिद खकान अब्बासीलाई नेशनल एकाउन्टिबिलिटी ब्यूरो (एनएबी) का १२ सदस्यको टोलीले गिरफ्तार गरेको छ ।

पूर्व प्रधानमन्त्री अब्बासीलाई लिक्विफाइड नेचुरल ग्यास (एलएनजी) लाई आयातमा अनुबन्धन दिँदा अरबाैँ रुपैयाँ हिनामिना गरेको आरोपमा गिरफ्तार गरिएको हो ।

पाकिस्तानको समाचार संस्था डन न्यूज टिभीका अनुसार पूर्व प्रधानमन्त्री अब्बासीलाई पत्रकार सम्मेलन गर्न गैरहेको अवस्थामा गिरफ्तार गरिएको हो ।

अब्बासीसँगै पाकिस्तान मुस्लिम लिग (पीएमएम-नवाज) का नेता अहसान इकबाल पनि थिए । सुरुमा अब्बासीले गिरफ्तारीको विरोध गरे पनि अन्ततः उनले एनएबीसमक्ष आत्मसमर्पण गरेका थिए ।

गिरफ्तारीमा परेका पाकिस्तानी पूर्व प्रधानमन्त्री अब्बासीलाई शुक्रबार एकाउन्टिबिलिटी अदालतमा पेस गराइनेछ । एनएबीले एलएनजीको विषयमा उनलाई पत्राचार गरे पनि उनी हाजिर भएका थिएनन् ।

त्यस्तै पाकिस्तानी पूर्व राष्ट्रपति आसिफ अली जरदारी र पूर्व प्रधानमन्त्री नवाज शरीफ पनि भ्रष्टाचारको मुद्दामा जेलमा छन् ।

अब्बासी विपक्षी पार्टी पीएमएल–एन का दोस्रो ठूलो नेता हुन् । एनएबीका अधिकारीहरुले अब्बासीलाई लाहोरको टोल प्लाजानजिक रोकेको थियो । अब्बासी पीएमएल–एन का प्रमुख र नवाज शरीफका भाइ शहबाज शरीफलाई भेट्न जाने तयारीमा थिए ।

पीएमएल–एन का प्रवक्ता मरियम औरंगजेबले गिरफ्तारीको निन्दा गर्दै एनएबीले अब्बासीलाई बिना पक्राउ पुर्जी गिरफ्तार गरेको आरोप लगाएका छन् ।

अब्बासी सन् २०१८ मार्च महिनामा दुई दिनको औपचारिक भ्रमणमा नेपाल आएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्