रसुवागढी भन्सार कार्यालयमा लक्ष्यभन्दा बढी राजस्व सङ्कलन

साउन २, २०७६ बिहीबार १७:१४:१९ | उज्यालो सहकर्मी

रसुवा - रसुवागढी भन्सार कार्यालयले आर्थिक वर्ष २०७५-७६ मा वार्षिक लक्ष्यभन्दा १ अर्ब ९ करोड ६१ लाख ५७ हजार बढी राजस्व सङ्कलन गरेको छ ।

रसुवागढी भन्सारलाई ९ अर्ब ५० करोड ६२ लाख ६२ हजार राजस्व लक्ष्य दिइएको थियो जसमा कार्यालयले १० अर्ब ६० करोड २४ लाख १९ हजार राजस्व उठाएको हो ।

आयात तथा निर्यात बढ्दै गएका कारण राजस्व संकलन पनि बढ्दै गएको प्रमुख भन्सार अधिकृत पुण्यबिक्रम खड्काले बताउनुभयो । २०७१ मंसिरदेखि सञ्चालनमा आएको नाकामा अघिल्ला वर्षहरूमा ४ अर्बसम्म राजस्व संकलन भएको थियो ।

रसुवागढी नाकाबाट अघिल्लाे आर्थिक वर्षमा तयारी सामग्री, इलेक्ट्रोनिक सामान र त्रिभुवन अन्तर्राष्ट्रिय विमानस्थल निर्माणका लागि चाहिने सामग्री आयात भएको छ । अन्य समयमा भने यस नाकाबाट सबैभन्दा धेरै स्याउ, तयारी पोसाक, चस्मा लगायतका सामग्री आयात हुने गर्दछन् ।

अन्तिम अपडेट: फागुन १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्