महोत्तरीको भप्सी खोलामा फेरि बाढी, पूर्व–पश्चिम राजमार्ग अवरुद्ध

साउन ४, २०७६ शनिबार ७:५९:३२ | उज्यालो सहकर्मी

काठमाण्डौ – पूर्व–पश्चिम राजमार्गअन्तर्गत महोत्तरी खण्डमा अहिले गाडी चल्न सकेका छैनन् ।

महोत्तरीको बर्दिवासमा भप्सी खोलामा बनाइएको अस्थायी डाइभर्सनमा बाढी आएपछि अहिले गाडी चल्न नसकेको प्रहरीले जनाएको छ । गएको हप्ता आएको बाढीले भप्सीखोलाको पुल बगाएपछि अस्थायी डाइभर्सन बनाएर गाडी चलाइएको थियो । तर शनिबार बिहान ७ बजेतिर बाढी आएपछि अहिले दुईतर्फ नै गाडी रोखिएका हुन् ।पानीको बहाव घटेपछि मात्रै गाडी चलाउन दिने प्रहरीले जनाएको छ ।

त्यस्तै पाँचथरको फाल्गुनन्द गाउँपालिका ३ पांग्रेभिरमा पहिरो झरेपछि मेची राजमार्गमा पनि गाडी चलेको छैन । ठूलो पहिरो खसेकाले पन्छाउन समस्या भएको प्रहरीले जनाएको छ ।

यसैगरी काठमाण्डौबाट फाखेल र सिस्नेरी हुँदै हेटौंडा जाने छोटो बाटो खुलाउन अझै समय लाग्ने भएको छ । विभिन्न ठाउँमा पहिरो खस्ने क्रम नरोकिएकाले समय लाग्ने देखिएको सडक विभागले जनाएको छ ।

यस्तै, हेटौंडा–काठमाडौ जोड्ने कान्ति लोकपथमा पनि गाडी चल्न सकेको छैन । मध्यपहाडी लोकमार्गको खुरकोट–घुर्मी सडकमा भने गाडी चल्न थालेका छन् । अरु बाटोमा राम्ररी नै गाडी चलेका प्रहरीले जनाएको छ ।

अन्तिम अपडेट: फागुन १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्