च्याउ टिप्न जंगल गएका १० जना किशाेर शुक्रबारदेखि सम्पर्कविहीन

साउन ४, २०७६ शनिबार ११:५१:५० | बृजराज कुशवाह

नवलपरासी – जंगली च्याउ टिप्न मदरबाबा जंगल गएका बर्दघाट नगरपालिका-१५ तेलहा गाउँका १० जना किशोरहरू शुक्रबारदेखि सम्पर्कविहीन बनेका छन् ।

च्याउ टिप्न जाने भन्दै शुक्रबार दिउँसो १ बजे गाउँका १६/१७ वर्षे उमेर समूहका १० जना किशोरहरू एकसाथ जंगल पसेका थिए । राति अबेरसम्म पनि घर नफर्केपछि खोजी सुरु गरेको स्थानीय टेक बहादुर थारूले बताउनुभयो । टेक बहादुरका छोरा सुरज चौधरी पनि हराइरहनु भएको छ ।

उहाँले भन्नुभयो, 'मेरो छोरा सुरजसँगै नवीन चौधरी, मान बहादुर चौधरी, सागर र सन्दीपलगायत १० जना दौतरीहरू सँगै गएका हुन् । उनीहरूसँग भएको मोबाइलमा सम्पर्क हुन सकिरहेको छैन ।'

स्थानीयवासी, प्रहरी तथा वनका कर्मचारीहरु परिचालन गरिएको भए पनि अहिलेसम्म उनीहरुको खबर पाउन सकिएको छैन । शनिबार बिहान फेरि गाउँका थप व्यक्तिका साथ खोजी थालिएको छ ।

शनिबार बिहान १० बजे हराएका मध्ये एक जनाको फोन आएको र 'हामी पहाड पारि हराएका छौं' भन्ने बताएपछि खोजीका लागि गाउँलेहरु घना पहाडतर्फ उक्लिएका छन् । मोबाइल नेटवर्क नभएका कारण सम्पर्कविहीन भएको स्थानीयले बताएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बृजराज कुशवाह

बृजराज कुशवाह नवलपरासी सुस्ता पश्चिमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्