एसीसी प्रिमियर कपकाे सेमिफाइनलमा नेपाल यूएईसँग ६ विकेटले प...
बैशाख ७, २०८१ शुक्रबार
कञ्चनपुर – कञ्चनपुरमा एक जना जनप्रतिनिधिले आफूले पाएको वर्षभरीको तलब वडाका वृद्धवृद्धालाई वितरण गरेका छन् । भीमदत्त नगरपालिका–१ का वडा अध्यक्ष आशेफ कुँवरले आफूले पाएको २ लाख ६२ हजार रुपैयाँ वडाका वृद्धवृद्धालाई वितरण गर्नुभएको हो ।
कुँवरले गएको वर्षसमेत आफ्नो तलब वृद्धावृद्धा तथा असहायलाई वितरण गर्नुभएको थियो । नयाँ आर्थिक वर्ष लागेसँगै उहाँ यतिबेला आफूले राज्यबाट प्राप्त गरेको तलब गाउँका वृद्धावृद्धा बाड्न ब्यस्त हुनुहुन्छ । राजनीतिलाई सेवा मान्ने वडा अध्यक्ष कुँवरले चुनावी बाचा अनुरुप आफूले राज्यबाट पाउने तलब नागरिकलाई नै वितरण गरेको बताउनुभयो ।
‘मैले चुनावमा उठ्ने बेला तपाइँले जिताउनु भयो भने गाउँको विकाससँगै राज्यले दिने तलब वृद्धावृद्धालाई दिन्छु भनेको थिएँ’, उहाँले भन्नुभयो ‘उहाँहरुले मलाई विश्वास गरेर जिताउनुभयो । मैले नागरिकसँग गरिएका बाचा पूरा गरेको हुँ ।’
नेपाली कांग्रेसबाट निर्वाचित वडा अध्यक्ष कुँवरले आइतबार वडाका अपाङ्गता भएका ब्यक्तिहरुलाई प्रतिव्यक्ति एक हजार र ज्येष्ठ नागरिकलाई प्रति व्यक्ति एक हजार ५ सयका दरले रकम वितरण गर्नुभएको हो । उहाँले कतिपय व्यक्ति आउन नसकेको बताउँदै रकम लिन छुटेकालाई घरमै गएर दिइने बताउनुभयो ।