दैलेखमा बस दुर्घटना : एक जनाको मृत्यु, ७ जना घाइते

साउन ७, २०७६ मंगलबार १२:२६:७ | उज्यालो सहकर्मी

दैलेख – आठबीस नगरपालिका राकमबाट खिड्कीजिउला जाँदै गरेको यात्रुवहाक बस मंगलबार बिहान दुर्घटना हुँदा एक महिलाको ज्यान गएको छ । अन्य ७ जना सामान्य घाइते भएका छन् ।

ना ५ ख ७२४३ नम्बरको बस राकमको जिरो प्वाइण्ट नजिकै सडकबाट करिब ५० मिटर तल खोल्सामा खसेको थियो ।

दुर्घटनामा आठबीस नगरपालिका–५ की ३२ वर्षीया दीर्घा माझीको ज्यान गएको प्रहरीले जनाएको छ ।

७ जना सामान्य घाइतेहरुको स्थानीय स्वास्थ्य संस्थामा उपचार भैरहेको राकम प्रहरी चौकीका इञ्चार्ज विष्णु गिरीले जानकारी दिनुभयो । दुर्घटनापछि चालक फरार रहेको उहाँले बताउनुभयो ।

सोमबार राति राकम स्वास्थ्य चौकीमा सुत्केरी गराउन ल्याइएकी आठबीस नगरपालिका–५ की २१ वर्षीया निर्मला जैसीलाई घर लैजान प्रयोग गरिएको बस दुर्घटनामा परेको हो । सुत्केरी महिलाको पनि घुँडामा सामान्य चोट लागेको र शिशुको अवस्था सामान्य रहेको बताइएको छ ।

अन्तिम अपडेट: फागुन १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्