अमेरिकामा १६ वर्षपछि मृत्युदण्डको सजाय कार्यान्वयनमा आउँदै

साउन १०, २०७६ शुक्रबार १४:५६:१२ | एजेन्सी

अमेरिकाको न्याय मन्त्रालयले १६ वर्षपछि मृत्युदण्डको सजाय सुनाइएकाहरुको सजाय कार्यान्वयनमा ल्याउने भएको छ ।

संघीय सरकारको यो कदमपछि विभिन्न अधिकारकर्मी समूह र डेमोक्रेट प्रमुखहरुले तिखो आलोचना गरेका छन् । डेमोक्रेटिक राष्ट्रपति पदका उम्मेदवारहरुले मृत्युदण्डको सजाय समाप्त गर्न आह्वान गरेका छन् ।

बिहीबार महान्यायाधिवक्ता विलियम बरले पाँज जना कैदीलाई मृत्युदण्डको सजाय दिने बताए । उनीहरुलाई आउँदो डिसेम्बर र सन् २०२० को जनवरीमा मृत्युदण्ड दिइने बताइएको छ । ‘बालबालिका र ज्येष्ठ नागरिकको हत्या र बलात्कारको मुद्दामा दोषी ठहरिएका पाँच जनालाई मृत्युदण्डको सजाय दिइनेछ’, महान्यायाधिवक्ता बरले भने ।

यसअघि सन् १९७२ मा सर्वोच्च अदालतले राज्य र संघ तहका सबै मृत्युदण्ड खारेज गर्न आदेश दिएको थियो । त्यसपछि सन् १९७६ मा सर्वोच्च अदालतले कतिपय राज्यमा मृत्युदण्डलाई खुला गर्‍यो । सन् १९८८ मा सरकारले एउटा कानुन पारित गरेर संघीय तहमा फेरि मृत्युदण्डलाई कायम गरेको थियो ।

सन् १९८८ देखि २०१८ सम्म ७८ जनालाई मृत्युदण्डको सजाय तोकिएको भए पनि जम्मा तीन जनालाई मात्र सजाय दिइएको छ । न्याय मन्त्रालयले दिएको जानकारी अनुसार मृत्युदण्डसम्बन्धी पाँच ओटा फैसला कार्यान्वयन हुने क्रममा छ ।

यो घोषणपछि सन् २००३ देखि मृत्युदण्डको सजाय कार्यान्वयन गर्न कायम रहेको अनौपचारिक निलम्बन हटेको छ । ट्रम्प प्रशासनको घोषणपछि अधिकारकर्मीहरुले कडा आलोचना गरे पनि यसले महत्वपूर्ण राजनीतिक तरंगको सम्भावना भने देखिएको छैन ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्