बनारसमा श्री एअरलाइन्सकोे परीक्षण उडान

साउन २७, २०७६ सोमबार २०:३१:५३ | रासस

काठमाण्डौ – निजी क्षेत्रको वायुसेवा प्रदायक कम्पनी श्री एअरलाइन्सले अन्तर्राष्ट्रिय क्षेत्रमा चार्टर्ड उडान सुरु गरेको छ ।

‘नेपाल भ्रमण वर्ष २०२०’ अभियानलाई लक्षित गर्दै कम्पनीले भारतको बनारसमा सोमबार परीक्षण उडान गरेको एयरलाइन्सका संस्थागत प्रबन्धक अनिल मानन्धरले जानकारी दिनुभयो ।

उहाँका अनुसार ५० सिट क्षमताको सीआरजे २०० र ७० सिट क्षमताको सीआरजे ७०० जहाजबाट बनारस गन्तव्यको उडान भर्नेछ । उडान अनुमति पाएपछि भारतका अन्य गन्तव्यमा पनि उडान विस्तार गर्ने कम्पनीको योजना छ । श्री एअरलाइन्ससँग चार वटा दुई सीआरजे २०० र सीआरजे ७०० जहाज छन् ।

बनारसमा चार्डर्ड उडानका लागि संस्कृति, पर्यटन तथा नागरिक उड्डयन मन्त्रालयबाट श्री एयरलाइन्सले अनुमति पाएको थियो । यो परीक्षण उडानपछि नियामक निकाय नेपाल नागरिक उड्डयन प्राधिकरण (क्यान) बाट विमान उडान अनुमतिपत्र (एओसी) पाउनेछ ।

अन्तर्राष्ट्रिय गन्तव्यमा उडानका लागि पर्यटन मन्त्रालयलाई निवेदन दिएको त्यही आधारमा परीक्षण उडान भरेपछि मन्त्रालयको प्रक्रिया पूरा गरी प्राधिकरणले एओसी दिने जनाइएको छ । एअरलाइन्सले व्यावसायिक उडान गर्नुपूर्व नियामक निकायको मापदण्डबमोजिम सक्षमता परीक्षण उडान गर्नुपर्ने हुन्छ ।

भारतका विभिन्न गन्तव्यमा उडान सञ्चालनका लागि ६ महिनाअघि अनुमति पाएको र त्यही आधारमा परीक्षण उडान गरिएको कम्पनीले उल्लेख गरेको छ । सन् २०१७ देखि फिक्स्ड विङबाट नियमित उडान सुरु गरेको एअरलाइन्सले हाल आन्तरिकतर्फ चन्द्रगढी, विराटनगर, नेपालगञ्जलगायत गन्तव्यमा उडान भर्दै आएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बनारसमा श्री एअरलाइन्सकोे परीक्षण उडान

फाइल फाेटाे

तपाईको प्रतिक्रिया