परमाणु हतियार पहिले प्रयोग नगर्ने भन्ने नीतिमा पुनर्विचार हुन सक्छ : भारतीय रक्षा मन्त्री

साउन ३१, २०७६ शुक्रबार १६:४१:७ | एजेन्सी

भारतीय रक्षा मन्त्री राजनाथ सिंहले शुक्रबार भारत अहिले पनि परमाणु हतियार ‘पहिले प्रयोग नगर्ने’ नीतिमा कायम रहेको तर भविष्यमा के गर्ने भन्ने बारेमा चाहिँ परिस्थितिमा निर्भर रहने बताएका छन् ।

पाँचौँ अन्तर्राष्ट्रिय आर्मी स्काउट मास्टर्स कम्पिटिसनमा सहभागी हुन पोखरण पुगेका रक्षा मन्त्री राजनाथ सिंहले पत्रकारहरुसँग भारतीय परमाणु नीतिका बारेमा कुरा गरेका थिए । पछि उनले यसबारेमा ट्वीट पनि गरेका छन् ।

ट्वीटमा भारतीय रक्षा मन्त्री सिंहले लेखेका छन्, ‘पोखरण त्यस्तो ठाउँ हो जुन अटलजीको परमाणु शक्ति बन्ने दृढ संकल्पको साक्षी बनेको थियो । हामी अहिले पनि ‘पहिले प्रयोग नगर्ने’ सिद्धान्तमा अडिग छौँ । भारत यो सिद्धान्त कडाइका साथ पालना गर्नेछ । तर भविष्यमा के हुन्छ भन्ने कुरा चाहिँ परिस्थितिमा नै निर्भर रहन्छ ।’

— Rajnath Singh (@rajnathsingh) August 16, 2019

जम्मू–कश्मीरबाट धारा ३७० हटाएपछि लगातार भारत–पाकिस्तानबीचको सम्बन्ध खस्कँदो छ । पाकिस्तानले कश्मीर मुद्दालाई अन्तर्राष्ट्रियकरण गर्ने प्रयास गरिरहेको छ ।

यसभन्दा पहिले जुलाईमा पाकिस्तानी प्रधानमन्त्रीले पनि आफूहरुले पहिले परमाणु हतियार प्रयोग नगर्ने तर भारतले प्रयोग गरेमा त्यसको जवाफ दिने बताएका थिए । अमेरिका भ्रमणका क्रममा उनले यस्तो बताएका थिए ।

उनले परमाणु युद्ध यस क्षेत्रको विवाद समाधानको विकल्प नभएको पनि बताएका थिए । तर बालाकोट एअर स्ट्राइकपछि भने भारत–पाकिस्तान सीमामा तनावपूर्ण वातावरण रहेको उनले स्वीकार गरेका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्