कश्मीर प्रतिबन्धलाई लिएर बेलायतमा प्रदर्शन : भारतीय उच्च आयाेगमा ढुङ्गा, अण्डा र जुत्ता-चप्पल फ्याँकियाे

भदौ १८, २०७६ बुधबार १७:२६:४० | एजेन्सी

बेलायतमा रहने कश्मीरीहरुले भारत प्रशासित कश्मीरमा जारी प्रतिबन्धलाई लिएर बुधबार विरोध प्रदर्शन गरेका छन् ।

यो विरोध प्रदर्शनलाई ‘फ्रीडम मार्च’ दिइएको छ । पहिला यो जुलुस शान्तिपूर्ण थियो तर भारतीय उच्चायाेग नजिकै पुग्दा त्यसले उग्र रुप लियो । अन्तर्राष्ट्रिय सञ्चारमाध्यमका अनुसार प्रदर्शनकारीहरुले त्यहाँ ढुङ्गा, अण्डा, गोलभेँडा र जुत्ता–चप्पल फ्याँके ।

टाइम्स अफ् इण्डियाले लेखेको छ, ‘प्रदर्शनकारीहरुले त्यहाँ ‘स्मग बम’ र बोत्तलहरु फ्याँके र भारतीय उच्चायोगको झ्याल फोड्ने कोसिस गरेका थिए ।’

भारतीय उच्चायोगले एउटा तस्बिर ट्विटरमा पोस्ट गरेको छ, जहाँ झ्यालको सिसा चर्किएको देखिन्छ । समाचार संस्था पीएका अनुसार दुई प्रदर्शनकारीलाई गिरफ्तार गरिएको छ ।

लण्डनका मेयर सादिक खानले भारतीय उच्च आयोगको झ्यालमा भएको तोडफोडलाई लिएर आलोचना गरेका छन् ।

प्रदर्शनकारीहरुले बोकेका कैँयौ ब्यानरहरुमा कश्मीरमा संयुक्त राष्ट्रसंघको प्रस्तावलाई लागू गर्ने कुरा पनि लेखिएको थियो । गएको अगष्ट ५ मा भारत सरकारले कश्मीरको विशेष राज्यको दर्जा दिने धारा ३७० का केही प्रावधानहरु निष्प्रभाव गरेको थियो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्