झडपबीच नेकपाले सिरहा र सप्तरी जिल्लाका पदाधिकारीलाई गरायो सपथ ग्रहण

भदौ २५, २०७६ बुधबार १२:३:४६ | शैलेन्द्र महतो

धनुषा – झडप र विवादकाबीच नेपाल कम्युनिष्ट पार्टी (नेकपा) को प्रदेश २ का दुई जिल्लाका पदाधिकारीहरुलाई शपथ ग्रहण गराइएको छ । असन्तुष्ट हुँदै विरोधमा उत्रेका नेकपाका नेता तथा कार्यकर्ता घर फर्केपछि मंगलबार साँझ सिरहा र सप्तरीका जिल्ला पदाधिकारीलाई शपथ ग्रहण गराइएको हो ।

महोत्तरीको बर्दिबासमा नेकपा प्रदेश कमिटीले मंगलबार शपथ ग्रहण समारोह आयोजना गरेको थियो । त्यसमा पहुँचवाला नेताले आफ्ना आसेपासेलाई जिल्ला पदाधिकारीमा चयन गरेको र पार्टीका सक्रिय नेता कार्यकर्तालाई बेवास्ता गरेको भन्दै असन्तुष्टपक्षले शपथग्रहण समारोहलाई विथलोपछि दिउँसो झडप भएको थियो ।

असन्तुष्ट नेता कार्यकर्ताले शपथ ग्रहण समारोहमा कुर्सी फालाफालसँगै नेकपा प्रदेश २ का अध्यक्ष प्रभु साह र सचिव सुमन प्याकुरेलमाथि हातपातको समेत प्रयास गरेको थियो । झडपमा केही नेता कार्यकर्ता समान्य घाइते भएका थिए । झडपलाई नियन्त्रणमा लिन प्रहरीले लाठीचार्ज समेत गरेको थियो ।

दुईतर्फी झडपपछि असन्तुष्ट नेता तथा कार्यकर्ता शपथ ग्रहण समारोह स्थगित गर्न माग गर्दै त्यहाँ साढे ६ बजेसम्म बजेसम्म धर्ना दिएका थिए । तर उनीहरु घर फर्केपछि नेकपाका प्रदेश कमिटीले सिरहा र सप्तरीका जिल्ला पदाधिकारीलाई शपथ ग्रहण गराएका थिए । प्रदेश २ का नेकपाका इन्चार्ज तथा प्रदेश संसदीय दलका नेता सत्यनारायण मण्डलले जिल्ला पदाधिकारीहरुलाई शपथ ग्रहण गराउनु भएको थियो ।

यो पनि पढ्नुहोस्

नेकपा प्रदेश २ को सपथ ग्रहण समारोहमा झडप, प्रदेश अध्यक्ष र सचिवमाथि हातपातको प्रयास

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्