बस्तीमाथि खनिएको सडकका कारण पहिरो खस्दा १४ परिवार विस्थापित

असार ३०, २०७५ शनिबार १७:५६:३४ | शिव ढुंगाना

ओखलढुंगा– सुनकोशी गाउँपालिका–९, कटुञ्जेको ककनीमा भर्खरै खनिएको कच्ची सडकसहितको पाखो बगेपछि तामाङ समुदायका १४ घर उच्च जोखिममा परेका छन् ।

पहिरोसँगै खसेको लेदो घर आँगनमा आएपछि घर जोखिममा परेका हुन् ।

अविरल वर्षाका कारण गाउँमाथि रहेको जोराल डाँडा खसेर खोलो थुनिएपछि मकै तथा आलु लगाइएको बारीसमेत कटान गरिरहेको छ ।

सडक खन्दा निस्केको माटो र पहिरो एकसाथ खसेपछि बाढी आउँदा सयौं रोपनी खेतीयोग्य जमिन समेत कटान गर्नुका साथै १४ घर जोखिममा परेपछि विस्थापित भएको स्थानीय बासिन्दा कर्ण बहादुर तामाङले बताउनुभयो ।

त्यस क्षेत्रमा प्रहरीको टोली पुगे पनि जोखिममा परेकालाई स्थानान्तरण गरिएको छैन । स्थानान्तरण नगरे मानवीय क्षति हुनसक्ने अवस्था छ ।

जोखिममा परेका परिवारलाई सुरक्षित स्थानमा टहरा हालेर बस्न त्रिपाल पठाइएको गाउँपालिकाले जनाएको छ ।

गएको जेठमा गाँउमाथिबाट नवलपुरघाट–दुधकुण्ड सडकको ट्रयाक खनिएको थियो । पहाडको बाटो भएर ट्रयाक खनिएकाले पहिरो गएको स्थानीयको भनाइ छ ।

खोला कटान र पहिरोका कारण कर्णबहादुर तामाङ, सुवाससिङ तामाङ, लाक्पा तामाङ, पूर्णबहादुर तामाङ, हर्कबहादुर तामाङ र डम्बर बहादुर तामाङको घर उच्च जोखिममा परेको हो ।

त्यस्तै, रत्न बहादुर तामाङ, धनमाया तामाङ, पेमामाया तामाङ, दमाई तामाङ, चिनिमाया तामाङ, जोते तामाङ, जानुुमाया तामाङ, पेमामाया तामाङ र पदममाया तामाङको घर जोखिममा परेको स्थानीयले बताएका छन् ।

बस्तीभन्दा माथि नयाँ सडकको ट्रयाक खनिएकाले पहिरो गएको सुनकोशी गाउँपालिका–९ का वडा अध्यक्ष जनक कार्कीले जानकारी दिनुभयो ।

पहिरो केही स्थानीयको घरको जगसम्मै आइपुगेको बताइएको छ ।

जोखिममा परेका स्थानीयले सुरक्षित स्थानमा बसोबारको व्यवस्था मिलाउन माग गरेका छन् ।

पहाड खसेर खोला थुनिएकाले खोला आसपासका स्थानमा पहिरो जाने त्रास फैलिएको सुनकोशी गाउँपालिका अध्यक्ष रुद्धप्रसाद अधिकारीले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्