चेन्नई कनेक्सन : भारत–चीन सम्बन्धमा नयाँ आयाम

असोज २५, २०७६ शनिबार १३:४१:३९ | एजेन्सी

तमिलनाडु राज्यको महाबलीपुरम(ममल्लापुरम) मा भएको चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदीबीचको अनौपचारिक शिखर वार्ताले भारत–चीन सम्बन्धमा नयाँ आयाम थपेको बताइएको छ ।

भारतीय प्रधानमन्त्री र चिनियाँ राष्ट्रपतिबीच झण्डै एक घण्टा कुराकानी भएको थियो । एक घण्टासम्म भएको वार्तापछि दुई देशबीचको सम्बन्धलाई भारतीय प्रधानमन्त्री नरेन्द्र मोदीले ‘चेन्नई कनेक्ट’ नाम दिनु भएको छ ।

भारतीय प्रधानमन्त्री नरेन्द्र मोदीले पछिल्लो २ हजार वर्षको कालखण्डमा दुवै देश आर्थिक महाशक्ति रहेको र फेरि एक पटक त्यसैतर्फ अगाडि बढेको बताउनुभयो ।

पछिल्लो वर्ष वुहान बैठकलाई उल्लेख गर्दै मतभेदलाई विवादको विषय बन्न नदिने मोदीले भन्नुभयो । साथै एक अर्काको चिन्ताको पनि दुवै देशले सम्बोधन गर्ने उहाँले बताउनुभयो । भारतीय प्रधानमन्त्री नरेन्द्र मोदीले द्विपक्षीय मुद्दामा कुराकानी भएको बताउनुभयो ।

तमिलनाडुको कोवलममा रहेको फिशरम्यान कोव रिजोर्टमा मोदी र सीबीच बन्द कोठादेखि समुन्द्री किनारासम्म कुराकानी भएको थियो । त्यसपछि भारतीय प्रधानमन्त्री मोदी नेतृत्वको प्रतिनिधिमण्डल र राष्ट्रपति सी नेतृत्वको प्रतिनिधिमण्डलबीच वार्ता भएको थियो । वार्ता टोलीमा भारतीय विदेश मन्त्री एस जयशंकर र राष्ट्रिय सुरक्षा सल्लाहकार अजित डोभाल पनि सहभागी थिए ।

त्यस्तै चिनियाँ राष्ट्रपति सी जिनपिङको भारतको आतिथ्यले आफू अभिभूत भएको बताउनुभयो । चिनियाँ सञ्चार माध्यमले दुई देशको सम्बन्धका बारेमा धेरै लेखेको बताउँदै गएको वर्ष वुहान बैठकको श्रेय प्रधानमन्त्री मोदीलाई जाने राष्ट्रपति सीले बताउनुभयो ।

शुक्रबार पनि रात्रिभोजका क्रममा पनि दुई नेताबीच झण्डै साढे दुई घण्टा कुराकानी भएको थियो ।

भारतको दुईदिने भ्रमणपछि चिनियाँ राष्ट्रपति सी जिनपिङ शनिबार दिउँसो नेपालको दुईदिने राजकीय भ्रमणमा आउनु हुँदैछ ।

सम्बन्धित समाचार

चिनियाँ राष्ट्रपति सी र भारतीय प्रधानमन्त्री मोदी नरिवलको पानी पिउँदै गफिँदै

चिनियाँ राष्ट्रपति सी जिनपिङ भारतको चेन्नईमा

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्