भारत, चीन र नेपालबीच त्रिदेशीय साझेदारीको आधार तय हुँदै गएको छ : प्रचण्ड

असोज २९, २०७६ बुधबार १६:३७:२८ | उज्यालो सहकर्मी

काठमाण्डौ – सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले नेपालको राष्ट्रिय हित र समृद्धिमा सहायक हुनेगरी देशको अन्तराष्ट्रिय सम्बन्ध विकसित भएको बताउनु भएको छ ।

पूर्व प्रधानमन्त्रीसमेत रहनु भएका अध्यक्ष प्रचण्डले चिनियाँ राष्ट्रपति सी जिनपिङको नेपाल भ्रमणपछि भारत–चीन र नेपालबीच त्रिदेशीय साझेदारीको आधार तय हुँदै गएको विश्वास पनि व्यक्त गर्नु भयो ।

‘चिनियाँ राष्ट्रपतिको नेपाल भ्रमणबाट भारत, चीन र नेपालबीच त्रिदेशीय साझेदारीको आधार तय हुँदै गएको छ,’ अध्यक्ष प्रचण्डले भन्नुभयो, ‘यसले नेपाललाई उज्वल भविष्यतर्फ डोहोर्‍याउने सुनिश्चित भएको छ ।’

अध्यक्ष प्रचण्डले चिनियाँ राष्ट्रपतिले नेपाल भ्रमणका क्रममा व्यक्त गर्नु भएको सदभाव र विश्वासले नेपालको अन्तराष्ट्रिय सम्बन्धलाई नयाँ उचाइमा पुर्‍याएको पनि बताउनुभयो ।

दशैँ, तिहार, नेपाल संवत र छठको अवसर पारेर पार्टीले काठमाण्डौमा आयोजना गरेको शुभकामना आदानप्रदान तथा चियापान कार्यक्रममा बोल्दै उहाँले सरकार देशको समृद्धि र विकासको काममा केन्द्रित भएको पनि बताउनुभयो ।

अध्यक्ष प्रचण्डले संघीय लोकतान्त्रिक गणतन्त्र स्थापनाका लागि नेपालका राजनीतिक दलहरुले नयाँ कीर्तिमान कायम गरेको उल्लेख गर्दै त्यसमा आफूलाई गर्व लाग्ने गरेको पनि दोहोर्‍याउनु भयो ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्