सोलुखम्बुमा चन्दा उठाउँदै गर्दा विप्लव कार्यकर्ता पक्राउ

कात्तिक १६, २०७६ शनिबार १९:९:८ | सुवास दर्नाल

सोलुखुम्बु - नेत्रविक्रम चन्द विप्लव नेतृत्वकाे नेकपाका एक कार्यकर्ता चन्दा उठाउदै गर्दा सोलुखुम्बुबाट पक्राउ परेका छन् ।

साेलुखुम्बुको सोताङ गाउँपालिका एक पावौबाट शुक्रबार ३७ वर्षीय ङिमा शेर्पा पक्राउ परेको सोलुखुम्बु प्रहरीले जनाएको छ । पक्राउ परेका शेर्पा पूर्व माओवादी लडाकु रहेका र अहिले विप्लव समूहका कार्यकर्ता भएको प्रहरीको दावी छ ।

उनी सोलुखुम्बुकै महाकुलुङ गाउँपालिका-१ का बासिन्दा रहेकोे जिल्ला प्रहरी कार्यालयका प्रवक्ता प्रहरी निरीक्षक उत्तम कार्कीले जानकारी दिनुभयो । प्रक्राउ परेका शेर्पाको साथबाट प्रहरीले पेस्तोलमा लाग्ने गोली ५ थान, मोबाइल २ थान र ८ वटा सिमकार्ड फेला पारेकोे छ ।

शेर्पालाई शुक्रबार दिउसो ३ बजे सादा पोशाकमा खटिएको प्रहरी टोलीले प्रक्राउ गरेको थियो । उनले यस अघि विभिन्न व्यक्ति तथा जनप्रतिनिधिहरुसँग चन्दा मागेकाे पनि खुल्न आएकाे छ । प्रक्राउ परेका शेर्पाको विषयमा थप अनुसन्धान भइरहेको प्रहरीले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्