१३औँ साग : नेपाल बंगलादेशसँग ४४ रनले पराजित, स्वर्णकाे सम्भावना सकियाे

मंसिर २१, २०७६ शनिबार १३:१९:५६ | उज्यालो सहकर्मी

काठमाण्डौ – १३औँ दक्षिण एसियाली खेलकुद (साग) अन्तर्गत पुरुष क्रिकेटमा नेपाल बंगलादेशसँग ४४ रनले पराजित भएको छ ।

कीर्तिपुर मैदानमा टस हारेर ब्याटिङको निम्तो पाएको बंगलादेशले निर्धारित २० ओभरमा ६ विकेट गुमाउँदै एक सय १५५ रन बनायो ।

सुरुवात राम्रो गर्न नसकेको बंगलादेशले १६ रनमा तीन विकेट गुमाएको थियो । उसका सुरुवाती तीनै खेलाडीलाई पूर्व कप्तान पारस खड्काले आउट गरेका थिए । जसमा ओपनर मोहम्मद नइम र सौम्य सरकारलाई ६ तथा सैफ हसनलाई खाता खोल्न नपाउँदै आउट गरे ।

त्यसपछि यासिर अलीलाई १४ रनमा अभिनाश बोहोराले पेभेलियन फर्काएपछि नेपालले ५९ रनमा चार विकेट लिन सफल भयो ।

तर त्यसपछि कप्तान नाजमुल हुसेन सन्तु र अफिफ हुसेनबीच ८६ रनको उत्कृष्ट साझेदारी हुँदा नेपालले बलियो लक्ष्य पायो । जसमा सान्टोले अविजित ७५ रन बनाए भने हुसेनले ५२ रनको अर्धशतकीय पारी खेले ।

बलिङमा नेपालका लागि पारस खड्काले तीन तथा दिपेन्द्र ऐरीले दुई विकेट लिए ।

जवाफमा नेपालले २० ओभरमा नौ विकेट गुमाउँदै एक सय ११ रन बनायो नेपालका दुई खेलाडीले मात्र दोहोरो अंक जोड्न सके ।

खराब सुरुवात गरेको नेपालले ११ रनमा पहिलो विकेट गुमायो । त्यसपछि १४ रनमा तीन विकेट गुमाएको नेपालले ६६ रन बनाउँदा पाँच विकेट खेर फाल्यो ।

नेपालका पारस खड्का ९ रनमा आउट भए भने पवन सर्राफले खाता नै खोल्न सकेनन् । यस्तै आरिफ शेख पनि खाता नखोलि पेभेलियन फर्किए ।

त्यसपछि दिपेन्द्रसिंह ऐरी १६ रनमा पेभेलियन फर्किएपछि नेपालले चौथो विकेट गुमायो ।

कमजोर ब्याटिङ गरेको नेपालका रोहित पौडेल ८ तथा विनोद भण्डारी ३ रनमा पेभेलियन फर्किँदा नेपालले ७५ रनमा ६ विकेट गुमायो ।

त्यसपछि नेपालका खेलाडीबीच साझेदारी हुन सकेन । जसका कारण नेपाल सस्तैमा समेटियो । नेपालका कप्तान ज्ञानेन्द्र मल्लले ४३ रन बनाउँदा अरु खेलाडी एकोहोरो रुपमा आउट भए ।

यो हारसँगै नेपालले अब कास्य पदकका लागि खेल्नेछ । अंकतालिकामा नेपालको ४ खेलबाट ४ अंक छ भने समान ३ खेल खेलेका माल्दिभ्स र भुटानको शून्य अंक छ ।

त्यस्तै श्रीलंका यू–२३ र बंगलादेश यू–२३ को समान ३ खेलबाट ६/६ अंक छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्