टेनिसमा नेपाललाई पाँच काँस्य, भारतलाई सातमध्ये ६ स्वर्ण पक्का

मंसिर २१, २०७६ शनिबार १९:४८:५७ | उज्यालो सहकर्मी

काठमाण्डाै - दक्षिण एसियाली खेलकुद अन्तर्गत टेनिसमा नेपालले पाँचवटा काँस्य पदक जितेको छ ।

सातदोबाटोमा रहेकाे लनटेनिस कोर्टमा शनिबार भएका तीन वटा विधाको सेमिफाइनलमा पराजित भएसँगै नेपाली खेलाडी काँस्यमा सीमित बनेका हुन् । यसअघि नेपालले टिम इभेन्टको महिला र पुरुषतर्फको विधामा काँस्य पदक जितेको थियो ।

शनिबार भएको महिला सिंंगल्सको सेमिफाइनलमा प्रेरणा दोस्रो वरीयताकी भारतीय खेलाडी सत्विका समासँग ६–० र ६–० ले पराजित भइन् । समाले स्वर्ण पदकका लागि आफ्नै देशकी सौजन्या भाबिसेट्टीसँग प्रतिष्पर्धा गर्नेछिन् । भाबिसेटीले सेमिफाइनलमा श्रीलंकाकी अनिका चोले सेनेभिरत्नेलाई ६–२, ७–६९४० ले हराएकी थिइन् ।

महिला डबल्समा नेपालका दुई जोडी सेमिफाइनलमा पराजित भए । प्रेरणा कोइराला र सलोनी तामाङको जोडी भारतका श्रब्या शिभानी चिलकलापुडीसँग ६–४ र ६–३ को सेटमा पराजित हुँदै कास्यमै सीमित बने । अर्को सेमिफाइनलमा अभिलाष विष्ट र आइरा मेहेमिसा रावतको जोडी भारतका प्रेरणा भाम्ब्री र प्रार्थना गुलाबराओ थोम्ब्रेको जोडीसँग ६–० र ६–० ले हारे ।

पुरुष डबल्सतर्फ श्रीयाम बालाजी नारायणस्वामी र जिवन नेदुनचिझियानको जोडीले पाकिस्तानका अकिल खान र अइसम उल हक कुरेसीको जोडीलाई ७–५ र ६–३ ले हराउँदै फाइनलमा पुगे ।

अर्को सेमिफाइनलमा भारतका विष्णुवर्दन जगदिसन र सकेथ साई मिनेनीको जोडीले पाकिस्तानका मोहम्मद अविद र मुजामिल मुर्तजाको जोडीलाई ६–३ र ६–२ ले हराउँदै फाइनलमा पुगे ।

भारतले यसअघि टिम इभेन्टको दुवै स्वर्ण पदक जितेको थियो भने पुरुष सिंंगल्स, महिला सिंंगल्स, पुरुष डबल्स र महिला डबल्सको फाइनलमा पुगेसँगै ६ स्वर्ण सुरक्षित गरेको हो ।

मिक्स डबल्समा पनि भारत र पाकिस्तानका दुई टोली सेमिफाइनलमा पुगिसकेका छन् ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्