साग फुटबल फाइनलको टिकट २४ घण्टाअघि नै सकियो

मंसिर २३, २०७६ सोमबार १८:४८:५१ | उज्यालो सहकर्मी

काठमाण्डौ – १३औँ दक्षिण एसियाली खेलकुद (साग) अन्तर्गत पुरुष फुटबलको उपाधिका लागि मंगलबार नेपाल र भुटानबीच प्रतिस्पर्धा हुँदैछ ।

दशरथ रंगशालामा हुने खेल दिउँसो ३ बजेपछि सुरु हुनेछ । लामो समयपछि घरेलु मैदानमा खेलिरहेको नेपाल फुटबल टिमको खेल हेर्नका लागि दर्शकको ओइरो लागेको थियो ।

लिग चरणका हरेक खेलमा दर्शकको उल्लेख्य साथ पाएको नेपाली फुटबल टिम फाइनलमा पुगेसँगै दर्शकको उत्साह पनि निकै बढेको छ ।

नेपाल र भुटानको खेलका लागि बिक्रीमा राखिएको सबै टिकट बिक्री भैसकेको छ । फाइनलका लागि सर्वसाधारणतर्फ १ हजार र भिआईपीतर्फ २ हजार रुपैयाँ टिकट मूल्य राखिएको थियो ।

सोमबार दिउँसोबाट नै टिकटहरु सकिएको इसेवाले जनाएको छ । फुटबलको टिकटको जिम्मा इसेवाले लिएको छ । फाइनलका लागि १४ हजार टिकट बिक्रीमा राखिएको थियो । तर समर्थकको यस्तो ओइरो लाग्यो कि फाइनलको अघिल्लो दिन नै अनलाइनबाट बिक्री सम्पन्न भयो ।

टिकट निकै सोचेभन्दा चाँडै बिक्री भएपछि कतिपय समर्थकहरुले फाइनल खेल रंगशालामा हेर्न नपाउने भएका छन् ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्