महाेत्तरीकाे औरहीमा कापीको पानामा ‘प्लाइ’को चम्चाले दिवा खाजा

पुष २५, २०७६ शुक्रबार १६:४३:३६ | धनवीर महतो

महोत्तरी – महोत्तरीको औरही नगरपालिका-३ मा रहेको सोनफी दशैं माविका विद्यार्थीहरुले विद्यालयमा प्रदान गरिने दिवा खाजा कापीको पानामा प्लाइको चम्चाले खाने गरेका छन् ।

विद्यालयले आवश्यक मात्रामा प्लेट र चम्चाको व्यवस्था गर्न नसकेपछि विद्याथीहरुले यस्तो समस्या झेल्नुपरेको हो ।

विद्यालयका प्रधानाध्याक ज्ञानेन्द्र यादवले पालिकाले दिवा खाजाबापत सीमित रकम उपलब्ध गराएपछि विद्यालयले अन्य सामग्री खरिद गर्न नसकेको प्रतिक्रिया दिनुभएको छ । विद्यालयले बालविकासदेखि कक्षा ५ सम्मका विद्यार्थीहरुलाई दिवा खाजा खुवाउँदै आएको छ ।

नेपाल शिक्षक महासंघ, औरहीका अध्यक्ष गोपाल यादवले सम्बन्धित पक्षले याे विषयमा ध्यान दिनुपर्नेमा जोड दिनुभयो । नेपाल सरकारले त्यस समूहका बालबालिकालाई विद्यालयतर्फ आकर्षित गर्न दिवा खाजाबापत प्रतिविद्यार्थी १५ रुपैयाँका दरले रकम उपलब्ध गराउँदै आएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्