अन्नपूर्ण पदमार्गमा हराइरहेकाकाे खाेजीमा हेलिकप्टर परिचालन

माघ ४, २०७६ शनिबार १२:५०:२६ | उज्यालो सहकर्मी

कास्की - अन्नपूर्ण आधारशिविर (एबीसी) को पदमार्गमा आएकाे हिमपहिरोमा परेर सम्पर्कविहीन भएकाहरुको खोजीको लागि हेलिकप्टर परिचालन गरिएकाे छ ।

शुक्रबार अन्नपूर्ण आधारशिविर अन्तर्गतको देउराली र हिङ कु केभको बीचमा हिमपहिरो झरेपछि केही नेपाली गाइडसहित विदेशी पर्यटक सम्पर्कविहीन भएका थिए । केही पर्यटको स्थानीय पर्यटन व्यवसायीले उद्धार गरेका थिए ।

ट्रेकिङ एजेन्सिज् एसाेशियसन अफ नेपाल (टान) पश्चिमाञ्चल क्षेत्रीय संघ पोखराका अध्यक्ष हरि भुजेलका अनुसार सम्पर्क विहीनमध्ये पथ प्रर्दशक जगदिश खत्री र एक जना चिनियाँ नागरिक सम्पर्कमा आएका छन् ।

अझै ४ जना कोरियन पर्यटक र एक जना नेपाली पथ प्रदर्शक सरोज परियार सम्पर्कविहीन भएको भुजेलले जानकारी दिनुभयो । ट्रेकिङ एजेन्सिज् एशोशियसन अफ नेपाल (टान) पश्चिमाञ्चल क्षेत्रीय संघ पोखराबाट छ जना अनुभवी गाइडहरु पनि खोजीको लागि पठाएको उहाँले बताउनुभयो ।

नियमित सञ्चारसम्पर्क हुन नसक्दा हराउने संख्या पनि यकिन हुन नसकेकाे भुजेलले बताउनुभयाे ।

लगातारकाे हिमपातका कारण सञ्चारसम्पर्क नभएकोले पर्यटकको अवस्था जानकारी पाउन नसकेको जिल्ला प्रहरी कार्यालय कास्कीका प्रहरी नायब उपरीक्षक (डीएसपी) राजकुमार केसीले बताउनुभयो ।

उहाँले प्रहरी टोली छुम्रुङबाट माथि लागिसकेको पनि जानकारी दिनुभयो । एक्यापले पहिरो गएपछि देउरालीभन्दा अघि नबढ्न पर्यटकलाई अनुरोध गरेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्