अफगानिस्तान : विमान दुर्घटना 'रहस्यमय' बन्यो !

माघ १४, २०७६ मंगलबार ८:०:१५ | एजेन्सी

काठमाण्डौ – अफगानिस्तानको एरियाना एअरलाइन्सले आफ्नो कुनै पनि विमान दुर्घटनाग्रस्त नभएको बताएको छ ।

एअरलाइन्सको यो बयानपछि अफगानिस्तानमा सोमबार भएको भनिएको कथित विमान दुर्घटनाका बारेमा प्रश्न उठेको छ– त्यो विमान कसको थियो ?
पूर्वी अफगानिस्तानको गजनी प्रान्तको देह याक जिल्लामा यात्रु बोकेको विमान दुर्घटनाग्रस्त भएको समाचार प्राप्त भएको थियो ।

सम्बन्धित समाचार

अफगानिस्तानमा विमान दुर्घटना

विमान दुर्घटना भएको भनिएको क्षेत्रलाई आतङ्कवादी सङ्गठन तालिवानको गढ मानिन्छ । स्थानीय अधिकारीहरुले पहिले यात्री विमान एरियाना एअरलाइन्सको भएको बताएका थिए ।

तर एअरलाइन्सले यो भनाइलाई अस्वीकार गर्दै त्यस समय आफ्ना दुई वटा विमान उडिरहेका र दुइटै विमान सुरक्षित रहेको बताएको थियो ।

एरियाना एअरलाइन्सका मुख्य कार्यकारी अधिकृत मीरवाइज मीरजेकवालले यसका बारेमा सञ्चारमाध्यमलाई बताएका छन् ।

अफगानिस्तानको विमान विभागले पनि कुनै पनि यात्री विमान दुर्घटना नभएको जनाएको छ ।

तालिवानका प्रवक्ता जबीहुल्लाह मुजाहिदले भने, ‘हाम्रो समूहको कुनै पनि विमान दुर्घटना भएको खबर प्राप्त भएको छैन ।’

गजनी प्रान्तका प्रहरी कमाण्डर अहमद खालिद वारदकले कोही पनि मारिएको बारेमा सूचना प्राप्त नभएको बताए ।

इरानी सरकारी सञ्चारमाध्यमले एक फुटेज देखाएको छ, जसमा एउटा विमान जलिरहेको देखाइएको छ ।

सरकारी सञ्चारमाध्यमहरुले त्यो विमान अमेरिकी एअर फोर्सको हुन सक्ने बताएका छन् । यद्यपि यो दाबीको पुष्टि भैसकेको छैन ।

अमेरिकी सैनिकले पनि आफ्नो विमान पूर्वी अफगानिस्तानमा सोमबार दुर्घटनाग्रस्त भएको जनाएको छ । विमान कति जना सवार थिए भन्ने बारेमा पनि थाहा भैसकेको छैन ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्