एक वर्षमा विपद्का घटनाबाट एक अर्ब २३ करोड रुपैयाँ बराबरको भौ...
बैशाख २१, २०८१ शुक्रबार
कोरोना भाइरस संक्रमित बिरामीको उपचारका लागि चीनको वुहान शहरमा १० दिनभित्र निर्माण भएको अस्पतालको सोमबार उद्घाटन हुने भएको छ ।
गएको जनवरी २४ अर्थात माघ १० गतेबाट निर्माण सुरु भएको अस्पतालको निर्माणकार्य सम्पन्न भएको हो । झण्डै, २५ हजार वर्गमिटर क्षेत्रफलमा निर्माण भएको हुओसेनसान अस्पतालमा एक हजार शय्या राखिएको छ ।
घातक कोरोना भाइरसको कारण ज्यान गुमाउनेहरुको संख्या बढेसँगै चीनले व्यापक सतर्कता अपनाउँदै आएको छ । यसअघि पनि भाइरस संक्रमित बिरामीको उपचारका लागि छोटो समयमा अस्पताल निर्माण गरिसकेकाे छ ।
चीनको हुवेई प्रान्तको वुहानबाट सुरु भएको कोरोना भाइरसको संक्रमणबाट अहिलेसम्म चीनमा मात्रै ३ सय ४ जनाको ज्यान गएको र १४ हजार ३ सय ८० जनामा कोरोनाको संक्रमण भएको पुष्टि भैसकेको बीबिसीले जनाएको छ ।
चीनका विभिन्न सहरी क्षेत्रमा कोरोना भाइरसको सङ्क्रमण फैलिने क्रम तीव्र बनेपछि प्रशासनले आउँदाे फेब्रुअरी ३ सम्ममा नयाँ अस्पतालमा सेवा सञ्चालन गर्नेगरी काम गर्न निर्देशन दिएको हो।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।