प्रदेश २ : छोरी शिक्षा बीमा कार्यक्रम २० वर्षपछि २० लाखको हुने

माघ २०, २०७६ सोमबार ६:३५:१ | धनवीर महतो

महोत्तरी – प्रदेश २ सरकारले छोरी शिक्षा बीमा कार्यक्रमको रकम २० लाख पुर्याउने योजना बनाएकाे छ ।

आइतबार महोत्तरीको सोनमा माविका छात्रालाई साईकल वितरण समारोहलाई सम्बोधन गर्दै मुख्यमन्त्री लालबाबु राउतले अभियानलाई थप प्रभावकारी बनाउन २० वर्षपछि बीमा रकम २० लाख पुर्याउने प्रयास गरिएको बताउनु भएको हो । प्रदेश सरकारले छोरी शिक्षा बीमालाई केही दिन अगाडि मात्रै बढाएर ३ लाख पुर्याएको थियो ।

कार्यक्रममा सोनमा गाउँपालिकाका अध्यक्ष राजकुमार यादवले अब छोरी शिक्षा बीमालाई प्रभावकारी बनाउन गाउँपालिकाले आफ्नो तर्फबाट थप ३ लाख रकम थप्ने घोषणा गर्नुभएकाे छ ।

छोरी बीमालाई प्रभावकारी बनाउन २०७५ साल माघयता जन्मिएकी छोरीलाई बीमा गराएबापत खातामा ३ लाख रकम राख्ने पालिकाका अध्यक्ष यादवले घोषणा गर्नु भएको हो ।

सोनमा गाउँपालिका २ मा रहेको सरस्वती माविमा कक्षा ८ मा अध्ययनरत ९० जना छात्रालाई मुख्यमन्त्री राउतले साईकल वितरण गर्नुभएकाे छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्