महोत्तरीमा भएका छुट्टाछुट्टै दुर्घटनामा दुई युवकको ज्यान गयो

माघ २३, २०७६ बिहीबार १९:४८:४८ | धनवीर महतो

महोत्तरी - महोत्तरीकाे छुट्टाछुट्टै ठाउँमा भएका मोटरसाइकल दुर्घटनामा परेर दुई युवकको ज्यान गएको छ ।

बिहीबार दिउँसो पिपरा गाँउपालिकामा यात्रुवाहक बससँग मोटरसाइकल ठोक्किँदा पालिकाका १७ वर्षीय राजेन्द्र शर्माको घटनास्थलमै ज्यान गएको हाे । जलेश्वरबाट जनकपुरतर्फ जाँदै गरेकाे ज १ ख ७५८ नम्बरको यात्रुवाहक बससँग ज ७ प ८५४५ नम्बरको मोटरसाइकल ठाेक्कि‌ँदा दुर्घटना भएको हो ।

मृतक शर्माको शव परीक्षणको लागि जलेश्वर अस्पतालमा राखिएको छ भने बसलाई जिल्ला प्रहरी कार्यालय धनुषामा राखिएको प्रहरीले जनाएको छ ।

यस्तै, बुधबार राति महोत्तरीको गौशाला–सम्सी सडकखण्ड अर्न्तगत औरही नगरपालिका–४ कुधारमा भएको सडक दुर्घटनामा २२ वर्षीय उमेश यादवको ज्यान गएको थियाे ।

दुर्घटनामा गम्भीर घाइते भएका उमेशको उपचारका लागि जनकपुरतर्फ लैजाँदै गर्दा बाटोमा नै ज्यान गएको इलाका प्रहरी कार्यालय गौशालाले जनाएको छ ।

प्रहरीका अनुसार यादवले चलाउँदै आएको बीआर ३० ई ७६९९ नम्बरको मोटरसाइकल बाटोको छेउमा रोकिराखेको ज १ त ९१९९ नम्बरको उखु लोड गरिएको टयाक्टरसँग ठोक्कि‌एकाे हाे ।

टयाक्टर अहिले प्रहरीको नियन्त्रणमा रहेको छ भने शव पोष्टमार्टमका लागि प्रादेशिक अस्पताल जनकपुरमा राखिएको प्रहरट्ठले जनाएकाे छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्