दिल्ली विधानसभा चुनाव : भाजपाले अग्रता बढायाे, काे अघि, काे पछि ?

माघ २८, २०७६ मंगलबार १०:४८:५८ | एजेन्सी

काठमाण्डौ – गएको शनिबार भारतको नयाँ दिल्लीमा सम्पन्न विधानसभा चुनावको अहिले मतगणना भइरहेको छ ।

दिल्ली विधानसभा चुनावमा सत्तारुढ आम आदमी पार्टी र भारतीय जनता पार्टी (भाजपा) बीच निकै कडा टक्कर हुने देखिएको छ ।

सुरुवाती मतगणना चलिरहँदा याे समाचार तयार पार्दासम्म कुल ७० सिटमध्ये आम आदमी पार्टीले ३९ सिटमा अग्रता लिइरहेको छ भने भाजपा १९ सिटमा अघि देखिएको छ ।

दिल्ली विधानसभा चुनाव यो वर्षको पहिलो चुनाव हो । एग्जिट पोल्सले दिल्लीका मुख्यमन्त्री अरविन्द केजरीवालको पार्टी आम आदमी पार्टीले प्रचण्ड बहुमत ल्याउने देखाएको छ ।

दिल्ली विधानसभा चुनावमा आम आदमी पार्टीले सुरुवाती मतगणनामा अग्रता लिइरहेको छ । भारतीय जनता पार्टी (बीजेपी) ले पनि सन् २०१५ को तुलनामा राम्रो प्रदर्शन गरिरहेको छ ।

मतगणना चलिरहँदा केही हाई प्रोफाइल उम्मेदवारमाथि सबैको ध्यान गइरहेको छ ।

आम आदमी पार्टीका सौरभ भारद्वाज ग्रेट कैलाश विधानसभा सिटबाट भारतीय जनता पार्टीकी शिखा रायभन्दा अघि छन् ।

अरविन्द केजरीवाल नयाँ दिल्ली विधानसभा सिटबाट भारतीय जनता पार्टीका सुनील कुमार यादवभन्दा अघि छन् । केजरीवाल प्रतिद्वन्द्वी सुनील यादवभन्दा चार हजार मतले अगाडि रहेका छन् ।

त्यस्तै राजिन्दर नगर सिटबाट आम आदमी पार्टीका राघव चड्ढा भारतीय जनता पार्टीका सरदार आर पी सिंहभन्दा धेरैले अघि छन् ।

कालका जीबाट आम आदमी पार्टीकी आतिशी भारतीय जनता पार्टीका धरमबीर सिंहभन्दा पछि रहेका छन् ।

बल्लीरामनबाट आम आदमी पार्टीका इमरान हुसैन भारतीय जनता पार्टीकी लताभन्दा पछि छन् ।

मटिया महलबाट आम आदमी पार्टीको टिकटमा चुनावमा प्रतिस्पर्धा गरिरहेका शोएश इकबाल काङग्रेसका मिर्जा जावेद अलीभन्दा अघि छन् ।

तिमारपुर विधानसभाबाट दिलीप पाण्डे, भारतीय जनता पार्टीका सुरिन्दर पाल सिहंभन्दा अघि छन् ।

दिल्लीमा अहिले आम आदमी पार्टीको सरकार छ । गएको विधानसभा चुनावमा आम आदमी पार्टीले ६७ सिट जितेको थियो । भाजपा भने मात्र तीन सिटमा सीमित भएकाे थियाे ।

आम आदमी पार्टी, भाजपा र काङ्ग्रेसबीच मुख्य प्रतिस्पर्धा हुने भनिए पनि एग्जिट पोलका अनुसार काङ्ग्रेस निकै कमजोर देखिएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्