कोरोना भाइरससम्बन्धी थप उच्च सतर्कता अपनाउन सांसदहरुद्वारा सरकारको ध्यानाकर्षण

माघ २९, २०७६ बुधबार २०:४७:५८ | रासस

काठमाण्डाै - सांसदहरुले चीनबाट फैलिएको कोरोना भाइरस नेपाल भित्रिन नदिन थप उच्च सतर्कता अपनाउन सरकारको ध्यानाकर्षण गराएका छन् ।

प्रतिनिधिसभाको बुधबारको बैठकको शून्य समयमा बोल्दै सांसद शेरबहादुर तामाङले कोरोना भाइरसले विश्वव्यापी संकट निम्त्याएकाले त्यसबाट जोगिन उच्च सतर्कता अपनाउनुपर्ने बताउनुभयो ।

चीनसँगका सीमानाका, व्यापार र आवतजावतका क्रममा विशेष ध्यान पुर्‍याउनुपर्ने र हेलचेक्र्याईँ हुन नदिन सरकारले विशेष अभियान चाल्नुपर्ने उहाँको भनाइ छ । यस्तै सिन्धुपाल्चोकमा फैलिएको भाइरल संक्रमण कोरोना नभएकाले अनावश्यक हल्ला गरेर त्रास नफैलाउन पनि उहाँले आग्रह गर्नुभयो ।

यस्तै सांसद विद्या भट्टाराईले विमानस्थल र चीनसँगको सीमानाकामा राखिएको स्क्यानिङ मेसिनबाट हुने जाँचलाई प्रभावकारी बनाउनुपर्ने बताउनुभयो । यस्तै सांसद सुजाता परियारले कोरोनाले चीनबाट फैलिएको कोरोना नेपाल भित्रिए ठूलो संकट निम्तिने भन्दै यसबाट जोगिन सबै उपाय अपनाउन सरकारले प्रयास थाल्नुपर्ने बताउनुभयो ।

चीनको वुहानमा रहेका नेपाली विद्यार्थीको उद्धार छिटो गर्न सरकारसँग आग्रह गर्नुभयो । विद्यार्थीको उद्धारका लागि अभिभावकले आन्दोलन गर्नुपर्ने अवस्था आउनु दुःखद भएको भन्दै सरकारले छिटो, छरितो र व्यवस्थित रुपमा नेपाली विद्यार्थीलाई स्वदेश ल्याउनुपर्ने सांसद परियारको जोड छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्