तराई–मधेश द्रुतमार्गकाे टेण्डर प्रक्रिया पारदर्शी बनाउन विकास समितिकाे निर्देशन

फागुन ५, २०७६ सोमबार २०:२२:२५ | उज्यालो सहकर्मी

काठमाण्डाै - प्रतिनिधिसभाको विकास तथा प्रविधि समितिले तराई-मधेश द्रुतमार्ग आयोजनामा गरिने टेण्डर प्रक्रियालाई पारदर्शी बनाउन नेपाली सेनालाई निर्देशन दिएको छ ।

सोमबार समितिमा भएको छलफलपछि टेण्डर प्रक्रियामा पारदर्शीता अपनाउँदै आयोजना तोकिएको समयमै सम्पन्न गर्न द्रुत गतिमा काम अगाडि बढाउन समितिले निर्देशन दिएको हो ।

समिति सभापति कल्याणी कुमारी खड्काले मुआब्जा वितरण लगायत आयोजनामा देखिएको अन्य समस्याहरुकाे समाधान गर्न निर्देशन दिएकाे बताउनुभयो । समितिले आयोजनाको स्थलगत भ्रमण गर्ने निर्णय गरेको छ ।

तराई-मधेश द्रुतमार्गको निर्माण कार्य २०८१ असार मसान्तभित्र सक्ने लक्ष्यका साथ निर्माणाधिन आयोजनालाई सम्पन्न गर्न बनाइएको विस्तृत कार्ययोजना समितिलाई उपलब्ध गराउन निर्देशन दिइएको उहाँले बताउनुभयो ।

राष्ट्रिय गौरवको आयोजनामध्येको एक तराई–मधेश द्रुतमार्ग निर्माणको जिम्मा पाएको नेपाली सेनाले तोकिएको समयभित्रै निर्माण सम्पन्न गर्ने गरी काम अघि बढाएको छ ।

सोमबार समितिमा अहिलेसम्म भएको कार्यप्रगतिको विषयमा सेनाले जानकारी गराएको छ ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्