विदेश भ्रमणमा नेपालीको खर्च घट्यो, नेपाल आउने पर्यटकको खर्च मनग्य बढ्दै !

फागुन ६, २०७६ मंगलबार १०:३१:२ | उज्यालो सहकर्मी

काठमाण्डाै – नेपालीले विदेश भ्रमण गर्दा हुने खर्चमा व्यापक कमी आएको छ । नेपाल राष्ट्र बैंकका अनुसार पछिल्लो ६ महिनामा विदेश भ्रमणमा जाने नेपालीले ३७ अर्ब ५९ करोड रुपैयाँ खर्च गरेका छन् ।

याे खर्च गएकाे आर्थिक वर्षको ६ महिनाको तुलनामा २१ दशमलव ७ प्रतिशतले कमी हो । गएकाे आर्थिक वर्षको साउनदेखि पुससम्म नेपालीले विदेश भ्रमणमा ४७ अर्ब ९९ करोड रुपैयाँ खर्चिएका थिए ।

शिक्षातर्फबाट विदेशिने रकममा पनि उल्लेख्य कमी आएको छ । पछिल्लो ६ महिनामा वैदेशिक शिक्षा लिन जाने नेपालीले १७ अर्ब ९५ करोड रुपैयाँ खर्च गरेका छन् । गएको आर्थिक वर्षको ६ महिनामा भने २५ अर्ब ५९ करोड रुपैयाँ खर्च भएको थियो ।

यो आर्थिक वर्षको ६ महिनामा विदेशी पर्यटकले नेपालमा गर्ने खर्च भने बढेको छ । ६ महिनामा ४२ अर्ब ७४ करोड रुपैयाँ भ्रमण आय भएको छ । गएको वर्षको साउनदेखि पुससम्मको ६ महिनाको अवधिमा भ्रमण आय ३७ अर्ब ४२ करोड रुपैयाँ रहेको थियो । यो वर्ष भ्रमण आय १४ दशमलव २ प्रतिशतले बढेको राष्ट्र बैंकले जनाएको छ ।

अन्तिम अपडेट: फागुन ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्