स्वास्थ्य सेवा विभागका निमित्त महानिर्देशकमा महेन्द्रप्रसाद श्रेष्ठ

फागुन ८, २०७६ बिहीबार २०:६:३७ | उज्यालो सहकर्मी

काठमाण्डाै - स्वास्थ्य सेवा विभागका निमित्त महानिर्देशकमा महेन्द्र प्रसाद श्रेष्ठ नियुक्त हुनुभएको छ ।

स्वास्थ्यमन्त्री भानुभक्त ढकालले बिहीबार मन्त्रिस्तरीय निर्णय गर्दैै श्रेष्ठलाई यो जिम्मेवारी दिनुभएको हो । विभागका निमित्त महानिर्देशक रहेका डा रोशन पोखरेललाई भने स्वास्थ्य मन्त्रालय सरुवा गरिएको छ ।

यस्तै मन्त्रालयकाे नीति योजना महाशाखाको जिम्मेवारी डा गुणराज लोहनीले पाउनुभएको छ । यसअघि डा विकास देवकोटाले मन्त्रालयमा नीति योजना महाशाखा सम्हाल्दै आउनुभएको थियो । डा देवकोटालाई भने स्वास्थ्य समन्वय महाशाखाकाे जिम्मेवारी दिइएको छ ।

यस्तै कान्ति बाल अस्पतालको निर्देशकको जिम्मेवारी डा कृष्णप्रसाद पौडेललाई दिइएको छ । साविकका अस्पताल निर्देशक डा आरपी बिच्चालाई भने सरुवा गरिएकाे छैन । उहाँलाई हाल यही अस्पतालमै राखिएको छ ।

यसै क्रममा डा सन्तोष पौडेल राष्ट्रिय ट्रमा सेन्टरकोे निमित्त मेडिकल सुपरिन्टेन्डेन्ट हुनुभएको छ । टेकुमा रहेको शहीद शुक्रराज ट्रपिकल तथा सरुवा रोग अस्पतालको निर्देशक रहेका डा बासुदेव पाण्डेलाई इपिडिमियोलोजी तथा रोग नियन्त्रण महाशाखाको निर्देशकको जिम्मेवारी दिइएको छ ।

त्यहाँका निर्देशक डा विवेक कुमार लाललाई राष्ट्रिय क्षयरोग केन्द्रमा पठाइएको छ । राष्ट्रिय क्षयरोग केन्द्रका निर्देशन डा सागरराज भण्डारीलाई टेकु अस्पतालको निर्देशक बनाइएको छ ।

यस्तै डा रविन खड्कालाई वीर अस्पतालमा ल्याइएको छ । कोशी अस्पतालको मेडिकल सुपरिन्टेन्डेन्टकाे जिम्मेवारी डा चुमनलाल दाशलाई तथा भेरी अस्पतालको मेडिकल सुपरिन्टेन्डेन्टकाे जिम्मेवारी डा प्रकाश थापालाई दिइएको छ ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्