तीनकुने जागृतिनगरकाे अतिक्रमित जग्गामा डोजर चल्यो

फागुन १०, २०७६ शनिबार १४:३३:३० | उज्यालो सहकर्मी

काठमाण्डौ - काठमाण्डौ महानगरपालिकाले शनिबार वडा नम्बर ३१ तीनकुने जागृतिनगरमा रहेको अतिक्रमित जग्गामा डाेजर लगाएकाे छ। त्यस क्षेत्रबाट निर्वाचित प्रदेशसभा सदस्य गणेश दुलाल र वडा नम्बर ३१ का वडाध्यक्ष नारायणप्रसाद भण्डारीसहितको टोलीले अतिक्रमित जग्गामा डोजर चलाएको हो ।

वडाध्यक्ष भण्डारीले १८ दिने सूचना जारी गरे पनि स्थानीयले अटेर गरेपछि डोजर चलाएरै घर टहरा भत्काउनुपरेको बताउनुभयो । ‘पटक-पटक सूचना जारी गरेर अतिक्रमित जग्गा खाली गर्न आग्रह गर्दा पनि स्थानीयले अटेर गरेपछि आज हामीले भत्काएका हौँ’, उहाँले भन्नुभयो । प्रदेशसभा सदस्य गणेश दुलालले प्रमाणहरुका आधारमा अतिक्रमित क्षेत्रकाे जग्गा सरकारको नाममा रहेकोले टहराहरु भत्काइएको बताउनुभयो ।

‘सरकारी जग्गा अतिक्रमण गरेर वर्षौदेखि एकजना व्यक्तिले भाडामा लगाएको थियो । बारम्बार सूचना जारी गर्दा पनि अटेर गरेपछि आज घरटहरा भत्काएका हौँ । यो क्षेत्रमा रहेका सबै अतिक्रमित सार्वजनिक जग्गा फिर्ता गर्ने अभियानका साथ अगाडि बढेका छौँ’, उहाँले भन्नुभयो ।

स्थानीयले भने खाली गर्न पर्याप्त सूचना नदिएको गुनासो गरेका छन् । जग्गा खाली गराउन ३५ दिने सूचना दिनुपर्नेमा १५ दिने सूचना जारी गरेर टहराहरु भत्काइएको आरोप स्थानीयको छ । सरकारले अतिक्रमित सरकारी तथा सार्वजनिक जग्गा फिर्ता अभियानलाई तिव्रता दिन थालेको छ ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्