कच्चा तेलकाे मूल्य घट्दा शेयर बजार ओरालाे लाग्याे

फागुन २६, २०७६ सोमबार १५:२४:१२ | एजेन्सी

काठमाण्डौ – सोमबार एसियामा शेयर बजार खुल्न नपाउँदै उच्च गिरावट आएको छ । शेयर बजार ओरालो लाग्नुमा कच्चा तेलको मूल्यमा उच्च गिरावट र कमजोर आर्थिक तथ्याङ्कलाई मानिएको छ ।

जापानको निक्केई सूचकाङ्क पाँच प्रतिशतसम्म घटेको छ भने अस्ट्रेलियाको एएसएक्स सात दशमलव तीन प्रतिशतसम्म घटेको हो । यो वर्ष सन् २००८ पछि यी बजारमा सबैभन्दा ठूलो गिरावट आएको हो ।

यसको असर भारतीय बजारमा पनि देखियो ।

भारतीय सूचकाङ्क सेन्सेक्समा पनि सोमबार सुरुवाती केही घण्टामा १६ सय अङ्कसम्म गिरावट आयो । जबकि निफ्टीमा ४५३ अङ्कको गिरावट देखियो ।

तर दिउँसो एक बजेसम्म भारतीय बजारमा दुई हजारभन्दा धेरै अङ्कको गिरावट आयो र निफ्टीमा ५४७ अङ्कको गिरावट आयो ।

तेल उत्पादक देशको समूह ओपेक र रुसबीच कच्चा तेललाई लिएर प्रतिद्वन्द्वीको जस्तै प्रतिस्पर्धा सुरु हुने डरले शेयर बजारमा असर देखिएको हो ।

साथै चीनबाट हुने निर्यात ठप्प हुनु र जापानी अर्थव्यवस्था साँघुरिनुकाे असर एसियाका लगानीकर्ताहरुमा देखिएको हो ।

सोमबार कच्चा तेलको मूल्यमा ३० प्रतिशतसम्म गिरावट देखियो । यो सन् १९९१ मा भएको खाडी युद्धपछि कच्चा तेलको मूल्यमा आएको सबैभन्दा ठूलो गिरावट हो ।

यसको असर ऊर्जा कम्पनीको शेयरको मूल्यमा पनि परेको छ ।

अस्ट्रेलियामा पञ्जीकृत तेल कम्पनी आयल सर्चको शेयर ३१ प्रतिशतसम्म गिरावट आएको छ भने ऊर्जा फर्म सान्तोसको शेयरमा २७ प्रतिशतले गिरावट आएको छ ।

चीनबाट फैलिन सुरु भएको कोरोना भाइरस (कोभिड–१९) विश्वभरि देखिएपछि तेलको मागमा कमी आएको छ । कोरोना भाइरसको सबैभन्दा ठूलो असर ट्राभल एजेन्सी कम्पनीमा परेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्